Read Papantla Totonac Proverbionan 22 Bible Online

Proverbionan 22 - Papantla Totonac bible

Proverbionan 22

¹Un bon nomber ta mas di desea ku gran rikesa, i apresio ta miho ku plata i oro.

²Riku i pober tin esaki den komun: SENOR ta Esun ku a traha nan tur.

³Un hende prudente ta mira maldat i ta skonde, ma e simpelnan ta sigui bai, i ta hana kastigu pa esei.

⁴E rekompensa di umildat i e temor di SENOR ta rikesa, onor i bida.

⁵Sumpina i trampa ta den kaminda di e hende perverso; esun ku ta warda su alma lo keda leu di nan.

⁶Instrui un mucha den e kaminda ku e mester kana, i asta ora ku e bira bieu e lo no aparta su mes for di dje.

⁷E riku ta manda riba e pobernan, i e fiado ta bira esklabu di esun ku ta fi'e.

⁸Esun ku sembra inikidat lo kosecha banidat, i e bara di su furia lo perese.

⁹Esun ku ta generoso lo ta bendishona, pasobra e ta komparti su pan ku esun ku ta pober.

¹⁰Kore ku e hasido di bofon i pleitu lo sali bai; si, pleitu i insulto lo stop.

¹¹Esun ku ta stima puresa di kurason, i ku su manera di papia ta karinoso, rei ta su amigu.

¹²E wowonan di SENOR ta preserva konosementu, ma E ta trastorna palabra di e homber traishonero.

¹³E floho ta bisa: "Tin un leon pafo; lo mi wordu mata den kaya!"

¹⁴E boka di un adultera ta un pos hundu; esun ku SENOR maldishona lo kai aden.

¹⁵Lokura ta mara den kurason di un mucha; bara di korekshon lo aleha esaki for di dje.

¹⁶Esun ku oprimi e pober pa oumenta su rikesa, i esun ku duna na e riku, siguramente lo yega na pobresa.

¹⁷Inklina bo orea i tende e palabranan di hende sabi, i dirigi bo kurason na mi konosementu.

¹⁸Pasobra lo ta algu agradabel si bo warda nan den bo, pa nan por ta kontinuamente riba bo lepnan.

¹⁹Pa bo konfiansa por ta den SENOR, mi a sinabo awe, si, abo.

²⁰No t'asina ku mi a skirbibo kosnan ekselente di konseho i konosementu,

²¹pa lagabo sa e siguridat di e palabranan di berdat, pa bo por kontesta korektamente esun ku a mandabo?

²²No horta hende pober, pasobra e ta pober, ni oprimi hende afligi na e porta di stat;

²³pasobra SENOR lo pleita nan kaso, i kita bida di esnan ku ta horta nan.

²⁴No sera amistat ku hende ku ta gusta rabia, i no anda ku hende di mal genio,

²⁵pa bo no sina su kamindanan, i pone un trampa pa bo alma.

²⁶No sea un di esnan ku ta para borg, un di esnan ku ta para borg pa debe.

²⁷Si bo no tin nada pa paga kune, pakiko nan lo mester kita bo kama fo'i bou di bo?

²⁸No kita marka di e frontera antiguo ku bo tatanan a pone.

²⁹Bo ta mira un hende ku abilidat den su trabou? E lo para dilanti di reinan; e lo no para dilanti di hende insignifikante.