Read Papantla Totonac Proverbionan 27 Bible Online

Proverbionan 27 - Papantla Totonac bible

Proverbionan 27

¹No gaba tokante di e dia di manan, pasobra bo no sa kiko un dia por trese.

²Laga un otro gababo, i no bo mes boka, un hende strano, i no bo mes lepnan.

³Piedra ta pisa, i santu ta pisa hopi, ma furia di un bobo ta mas pisa ku tur dos.

⁴Furia ta kruel i rabia ta un diluvio, ma ken por bestan ku hende yalurs?

⁵Reprendementu duna ku tur frankesa ta miho ku amor skondi.

⁶Fiel ta e heridanan di un amigu, ma enganoso ta e sunchinan di un enemigu.

⁷Un hende barika yen ta despresia miel, ma pa un hende ku tin hamber tur kos marga ta smak dushi.

⁸Manera un parha ku ta dwal bai for di su neishi, asina ta un hende ku ta dwal bai for di su kas.

⁹Unguente i perfume ta hasi kurason kontentu, meskos ku dulsura di konseho, ku ta sali for di kurason di un amigu, ta hasi.

¹⁰No bandona bo amigu ni amigu di bo tata, ni bai kas di bo ruman den dia di bo kalamidat; miho un bisina ku ta serka ku un ruman ku ta leu.

¹¹Sea sabi, mi yu, i hasi mi kurason kontentu, pa mi por kontesta esun ku reprochami.

¹²Un hende prudente ta mira maldat i ta skonde, ma e simpelnan ta sigui nan kaminda i ta wordu kastiga.

¹³Kohe pana di esun ku ta para borg pa un stranhero, i tene e mes komo garantia ora ku e para borg pa un adultera.

¹⁴Esun ku lanta bendishona su amigu na bos haltu mainta tempran, esaki lo konta komo maldishon p'e.

¹⁵Lekmentu konstante riba un dia di hopi awaseru, i un muhe pleitado, ta meskos.Q/Q)

¹⁶Esun ku purba want'e ta wanta bientu, i ta gara zeta ku su man drechi.

¹⁷Manera heru ta mula heru, asina un hende ta mula kara di su amigu.

¹⁸Esun ku kuida e palu di figo lo kome di su fruta; esun ku kuida su shon lo wordu onra.

¹⁹Meskos ku den awa kara ta refleha kara, asina kurason di hende ta refleha hende.

²⁰Seol i Abadon nunka tin basta, tampoko wowo di hende.

²¹Wea pa dirti metal ta pa plata i fornu pa oro, ma hende ta wordu proba dor di elogio ku e ta risibi.

²²Maske bo bati un bobo den un pilon ku un stamper, huntu ku pipita di mainshi, tog su bobedat no ta kita for di dje.

²³Sea sigur ku bo konose kondishon di bo tounan di karne, i wak bon pa bo krianan di bestia,

²⁴pasobra rikesa no ta pa semper, tampoko un korona no ta dura di generashon pa generashon.

²⁵Ora yerba seku disparse, yerba nobo ta aparese, i e yerbanan di e serunan ta wordu rekohi.

²⁶E lamchinan lo ta pa bo pana di bisti, i e kabritunan chubatu pa e preis di un kunuku.

²⁷I lo tin lechi di kabritu sufisiente pa bo kuminda, pa kuminda di bo kas i pa manteneshon di bo sirbientenan.