Read Papantla Totonac Proverbionan 7 Bible Online

Proverbionan 7 - Papantla Totonac bible

Proverbionan 7

¹Mi yu, warda mi palabranan, i warda mi mandamentunan manera tesoro den bo.

²Warda mi mandamentunan i biba, i mi sinansa manera bo pret'i wowo.

³Mara nan na bo dedenan; skirbi nan riba tabla di bo kurason.

⁴Bisa sabiduria: "Bo ta mi ruman muhe," i yama komprendementu bo amigu intimo,

⁵pa nan wardabo for di e adultera, for di e muhe stranhero ku ta labia ku su palabranan.

⁶Pasobra na bentana di mi kas mi tabata wak dor di yalusi,

⁷i mi a mira entre e simpelnan, mi a ripara entre e hobennan, un hoben ku falta komprendementu

⁸ta pasa den e kaya pega ku e skina, kaminda e muhe ta biba; i el a kohe kaminda pa e kas

⁹den skuritu, ora nochi ta sera, mei anochi i den skuridat.

¹⁰I ata un muhe ta sali kontr'e, bisti manera prostituta, i ku astusia den su kurason.

¹¹E ta un hasido di beheit i ta rebelde; su pianan no ta para na su kas.

¹²Tin biaha e ta den kaya, otro biaha at'e riba plenchi ta lur na tur skina.

¹³Asina e ta gara e hoben i ta sunch'e, i ku kara seku e ta bis'e:

¹⁴"Mi a priminti di ofrese sakrifisionan di pas; awe mi a kumpli ku mi promesanan.

¹⁵Pesei mi a sali pa kontrabo, pa ansiosamente buskabo pa mira, i mi a hanabo.

¹⁶Mi a drecha mi kama ku pana di lino fini di tur kolo for di Egipto.

¹⁷Mi a sprengu mi kama ku mirra, aloe i kane.

¹⁸Ban, laga nos bebe di amor te ora dia habri; laga nos gosa di amor.

¹⁹Pasobra mi esposo no ta na kas; el a bai hasi un biahe largu;

²⁰el a bai ku un saku di plaka den su man; te dia ku luna ta yen e ta bin kas."

²¹Ku su kantidat di palabranan e ta konvens'e; ku su labiamentu e ta sedusie.

²²Mesora e hoben ta bai su tras, manera un buey ta bai pa wordu mata, manera un bobo mara na kadena,

²³te ora ku un flecha traspasa su higra; manera un parha ta pura bai na trampa, asina e no sa ku esaki lo kost'e su bida.

²⁴Pesei awor, mi yu hombernan, skuchami, i paga atenshon na e palabranan di mi boka.

²⁵No laga bo kurason desvia bai den su kamindanan; no dwal bai den su berehanan.

²⁶Pasobra hopi ta e viktimanan ku el a bent'abou, i na gran kantidat, tur esnan ku el a mata.

²⁷Su kas ta e kaminda pa Seol, ku ta baha bai na e kambernan di morto.