Read Papantla Totonac Proverbionan 8 Bible Online

Proverbionan 8 - Papantla Totonac bible

Proverbionan 8

¹Sabiduria no ta yama? I komprendementu no ta halsa su bos?

²Riba e luganan haltu banda di kaminda, kaminda e berehanan ta krusa otro, e ta bai para;

³banda di e portanan, na entrada di e stat, na entrada di e portanan, e ta grita na bos haltu:

⁴"Na boso, O hombernan, mi ta yama, i mi bos ta dirigi na e yunan di hende.

⁵O boso, simpelnan, diserni prudensia, i boso, bobonan, diserni sabiduria.

⁶Skucha, pasobra lo mi papia kosnan ekselente; i lo mi habri mi lepnan pa papia loke ta korekto.

⁷Pasobra mi boka lo papia berdat, i maldat ta abominashon pa mi lepnan.

⁸Tur e palabranan di mi boka ta hustu; no tin nada trosi ni perverso den nan.

⁹Nan tur ta masha kla pa esun ku ta komprende, i korekto pa esnan ku tin konosementu.

¹⁰Risibi mi instrukshon, i no plata, i mas bien konosementu ku oro puru.

¹¹Pasobra sabiduria ta miho ku rubi, i tur loke hende por desea no ta di kompara kune.

¹²"Ami, sabiduria, ta biba huntu ku prudensia, i mi ta hana konosementu i prudensia.

¹³E temor di SENOR ta pa odia maldat; orguyo, arogansia i mal kaminda, i un boka perverso, mi ta odia.

¹⁴Konseho ta di mi, i sabiduria sano; ami ta komprendementu; poder ta di mi.

¹⁵Pa medio di mi reinan ta reina, i gobernantenan ta determina hustisia.

¹⁶Pa medio di mi prensnan ta goberna, i nobelnan tambe, tur ku ta huzga ku rektitut.

¹⁷Mi ta stima esnan ku ta stimami; i esnan ku buskami ku diligensia lo hanami.

¹⁸Rikesa i onor ta serka mi, rikesa berdadero i hustisia.

¹⁹Mi fruta ta miho ku oro, si, miho ku oro fini, i loke mi ta produsi ta miho ku plata puru.

²⁰Mi ta kana den e kaminda di hustisia, meimei di e berehanan di huisio,

²¹pa mi por hasi esnan ku ta stimami ereda rikesa, pa mi por yena nan luganan-di-warda-tesoro.

²²"SENOR a kreami na prinsipio di Su kaminda, prome ku Su obranan di prome aya.

²³For di eternidat mi tabata stablesi, for di prinsipio, prome ku tera tabata eksisti.

²⁴Tempu ku no tabatin profundidatnan mi a nase, tempu ku no tabatin fuentenan ku abundansia di awa.

²⁵Prome ku e serunan a wordu poni na nan luga, prome ku e seritunan mi a nase;

²⁶tempu ku E no a traha tera ainda, ni e sabananan, ni e prinsipio di stof di mundu.

²⁷Ora ku El a stablese e shelunan, mi tabat'ei, ora ku El a marka un sirkulo riba superfisio di e profundidat,

²⁸ora ku El a stablese e nubianan aya riba, ora ku El a fortifika e fuentenan di e profundidat,

²⁹ora ku El a pone pa laman su limite, pa e awa no transgresa Su mandamentu, tempu ku El a marka e fundeshinan di tera;

³⁰e tempu ei mi tabata na Su lado, manera un trahado eksperto, i dia tras dia mi tabata Su delisia, regosihando semper Su dilanti,

³¹regosihando den e mundu, Su tera, i mi delisia tabata den e yunan di hende.

³²"Pesei anto, O yunan, skuchami, pasobra bendishona ta esnan ku ta warda mi kamindanan.

³³Paga tino na instrukshon i sea sabi, i no neglisha esaki.

³⁴Bendishona ta e hende ku ta skuchami, ku dia tras dia ta vigila na mi portanan, ku ta spera na mi koseinnan-di-porta.

³⁵Pasobra esun ku hanami, ta hana bida, i ta risibi grasia for di SENOR.

³⁶Ma esun ku peka kontra mi ta hasi dano na su mes alma; tur esnan ku ta odiami ta stima morto."