Read Papantla Totonac Proverbionan 9 Bible Online

Proverbionan 9 - Papantla Totonac bible

Proverbionan 9

¹Sabiduria a traha su kas, el a kap forma su shete pilarnan;

²el a mata su bestianan, el a meskla su bina, tambe el a pone su mesa;

³el a manda su krianan, e ta grita riba e luganan di mas haltu di e stat:

⁴"Esun ku ta simpel, lagu'e bin aki!" Na esun ku ta falta komprendementu e ta bisa:

⁵"Bin, kome di mi pan, i bebe di e bina ku mi a meskla.

⁶Bandona bobedat i biba, i sigui den e kaminda di komprendementu."

⁷Esun ku koregi un hasido di bofon ta trese desonor riba su mes, i esun ku reprende un malbado, e mes ta keda tur blousa.

⁸No reprende un hasido di bofon, pa e no odiabo; reprende un hende sabi, i e lo stimabo.

⁹Duna instrukshon na un hende sabi, i e lo bira mas sabi ainda; sina un hende hustu, i e lo krese den sinansa.

¹⁰E temor di SENOR ta e prinsipio di sabiduria, i e konosementu di Esun Santu ta komprendementu.

¹¹Pasobra pa medio di mi bo dianan lo wordu multiplika, i ananan lo wordu anadi na bo bida.

¹²Si bo ta sabi, ta pa bo mes bo ta sabi, ma si bo hasi bofon, ta bo so lo karga esaki.

¹³Un muhe bobo ta hasi beheit; e ta sin tino, e no sa nada.

¹⁴E ta sinta na entrada di su kas, riba un asiento na e luganan mas haltu di e stat,

¹⁵yamando esnan ku ta pasa, kendenan ta hasi nan berehanan stret:

¹⁶"Laga tur ku ta sin tino bin akinan," i na esun ku falta komprendementu e ta bisa:

¹⁷"Awa horta ta dushi, i pan komi na sekreto ta agradabel."

¹⁸Ma e no sa ku e mortonan ta einan, ku su invitadonan ta den e profundidatnan di Seol.