Read Papantla Totonac Eccliastes 11 Bible Online

Eccliastes 11 - Papantla Totonac bible

Eccliastes 11

¹Tira bo pan riba superfisio di e awanan, pasobra lo bo han'e despues di hopi dia.

²Parti bo porshon den shete, si, den ocho, pasobra bo no sa ki maldat por sosode riba tera.

³Si e nubianan ta yen, nan ta basha awaseru riba tera; i si un palu kai pasuit of panort, kaminda ku e palu kai, einan e ta keda.

⁴Esun ku opserva bientu no ta sembra, i esun ku opserva e nubianan no ta kosecha.

⁵Meskos ku bo no sa e kaminda di bientu i kon wesunan ta wordu forma den barika di un muhe na estado, asina bo no konose e obra di Dios, Kende ta traha tur kos.

⁶Sembra bo simia mainta, i no keda sin hasi nada atardi; pasobra bo no sa si sembramentu di mainta of di atardi lo tin eksito, of si nan tur dos lo ta bon.

⁷Lus ta agradabel, i ta bon pa wowo mira solo.

⁸Di berdat, si un hende biba hopi ana, lagu'e regosiha den nan tur, i lagu'e korda e dianan di skuridat, pasobra nan lo ta hopi. Tur kos ku ta bin ta banidat.

⁹Regosiha, hoben, durante di bo hubentut, i laga bo kurason tin plaser durante di e dianan di bo adolesensia. I sigui e kamindanan di bo kurason i e deseonan di bo wowo. Ma sabi si ku Dios lo huzgabo pa tur e kosnan aki.

¹⁰Pesei, kita tristesa for di bo kurason, i tene maldat for di bo kurpa, pasobra adolesensia i hubentut ta banidat.