Read Papantla Totonac Eccliastes 4 Bible Online

Eccliastes 4 - Papantla Totonac bible

Eccliastes 4

¹E ora ei mi a bolbe wak tur e aktonan di opreshon ku a wordu hasi bou di solo. I ata, mi a wak e lagrimanan di esnan oprimi, i ku nan no tabatin ni un hende pa konsola nan; i pa banda di nan opresornan tabatin poder, ma nan no tabatin ni un hende pa konsola nan.

²Pesei mi a felisita e mortonan ku ta morto kaba, mas ku e bibunan ku ta na bida ainda.

³Ma esun ku nunka a eksisti, ku nunka a mira e obra di maldat ku a wordu hasi bou di solo, ta mas felis ku nan tur dos.

⁴I mi a mira ku tur trabou i tur logro ta resultado di kompetensia entre un hende i su prohimo. Esaki tambe ta banidat i korementu tras di bientu.

⁵E bobo ta krusa su man i ta kome su mes karni.

⁶Un man yen di sosiegu ta miho ku dos moketa yen di trabou i korementu tras di bientu.

⁷E ora ei mi a bolbe mira banidat bou di solo.

⁸Tabatin un sierto homber sin kompanero, ku no tabatin ni yu homber ni ruman homber; tog e tabata traha sin fin. Di berdat, su wowo nunka tabata keda satisfecho ku rikesa, i nunka el a puntra: "I ta pa ken mi ta traha i ta apstene mi mes di plaser?" Esaki tambe ta banidat i ta un tarea penoso.

⁹Dos ta miho ku un, pasobra nan tin un bon pago pa nan trabou.

¹⁰Pasobra si un di nan kai, esun lo lanta su kompanero. Ma ai di esun ku kai ora no tin ningun hende pa lant'e.

¹¹Ademas, si dos hende drumi huntu, nan ta keda kayente, ma kon un hende por keda kayente su so?

¹²I maske un hende por vense un ku ta su so, dos si por risistie. Un kordon lora tripel no ta kibra lihe.

¹³Un mucha homber pober, ma sabi, ta miho ku un rei bieu i bobo ku no sa mas kon pa risibi instrukshon.

¹⁴Pasobra el a sali for di prizon pa bira rei, maske el a nase pober den su reino.

¹⁵Mi a mira tur e bibunan ku tin bou di solo basha bai tras di e di dos mucha homber ku a bira susesor di esun prome.

¹⁶No tin fin na tur e hendenan, na tur esnan ku tabata prome ku nan, i asta esnan ku lo bin despues lo no ta kontentu kune, pasobra esaki tambe ta banidat i korementu tras di bientu.