Read Papantla Totonac Eccliastes 8 Bible Online

Eccliastes 8 - Papantla Totonac bible

Eccliastes 8

¹Ken ta manera e hende sabi i ken sa e interpretashon di un asunto? Un hende su sabiduria ta ilumin'e i ta hasi su kara sera briya.

²Mi ta bisa: "Obedese e ordu di rei pa motibu di e huramentu dilanti di Dios.

³No sea pura pa bai for di rei su presensia. No uni den un asunto di maldat, pasobra e lo hasi loke ku e hana ta bon."

⁴Komo ku e palabra di rei tin outoridat, ken lo bis'e: "Kiko bo ta hasi?"

⁵Esun ku obedese un ordu di rei no ta han'e den problema, pasobra un kurason sabi sa e tempu i prosedura apropia.

⁶Pasobra tin un tempu i prosedura apropia pa kada asunto, ora maldat di un hende ta pisa riba dje.

⁷Si ni un hende no sa kiko lo sosode, ken por bis'e ki ora esei lo sosode?

⁸Ningun hende no tin outoridat pa wanta bientu ku bientu, of outoridat riba e dia di morto; i no tin retiro den tempu di guera, i maldat lo no libra esnan ku ta praktik'e.

⁹Tur esaki mi a mira i a dirigi mi kurason na kada echo ku a wordu hasi bou di solo, den kual un hende a eherse outoridat riba un otro hende pa su dano.

¹⁰Asina anto, mi a mira e malbadonan wordu dera, esnan ku tabatin kustumber di drenta i sali for di e luga santu, i pronto nan ta wordu lubida den e stat kaminda nan tabata hasi asina. Esaki tambe ta banidat.

¹¹Pasobra sentensia kontra un echo di maldat no ta wordu ehekuta lihe; pesei kurason di e yunan di hende den nan ta kompletamente dispuesto pa hasi maldat.

¹²Maske un pekado hasi maldat shen biaha i e prolonga su bida, tog mi sa ku lo bai bon ku esnan ku ta teme Dios, ku tin temor Su dilanti.

¹³Ma lo no bai bon ku e homber malbado i e lo no hasi su dianan largu manera sombra, pasobra e no tin temor pa Dios.

¹⁴Tin banidat ku ta wordu hasi riba tera, esta, tin hende hustu ku ta hana loke e malbado ta merese. Di otro banda, tin hende malbado ku ta hana loke e hustu ta merese. Mi ta bisa ku esaki tambe ta banidat.

¹⁵Pesei mi a rekomenda plaser, pasobra no tin nada bon pa hende bou di solo ku solamente kome, bebe i ta alegre; i esaki lo kompan'e den su trabou duru durante di tur e dianan di su bida ku Dios a dun'e bou di solo.

¹⁶Ora mi a dedika mi kurason pa konose sabiduria i pa mira e tarea ku a wordu hasi riba tera (ounke ku tin hende ku no ta mira sono di dia ni anochi),

¹⁷i mi a mira tur trabou di Dios, mi a bin na konklushon ku hende no por deskubri e obra ku a wordu hasi bou di solo. Maske kuantu esfuerso hende hasi pa buska, e lo no deskubri esaki; i maske hende sabi bisa: "Mi sa," e no por deskubri esaki.