Read Papantla Totonac Kantikanan di Salomon 6 Bible Online

Kantikanan di Salomon 6 - Papantla Totonac bible

Kantikanan di Salomon 6

¹"Unda bo stima a bai, O esun di mas bunita entre muhenan? Unda bo stima a bira bai, pa nos por bai busk'e huntu ku bo?"

²"Mi stima a baha bai na su hofi, na e kamanan di balsem, pa pastoria su tounan den e hofinan i pa piki leli.

³Mi ta di mi stima, i mi stima ta di mi, esun ku ta pastoria su tounan meimei di e lelinan."

⁴"Bo ta mes bunita ku Tirsa, mi amor, mes dushi ku Jerusalem, mes temibel ku un ehersito ku emblema.

⁵Kita bo wowonan for di mi, pasobra nan ta konfundimi; bo kabei ta manera un tou di kabritu ku ta baha for di Galaad.

⁶Bo djentenan ta manera un tou di karne muhe ku a subi bin for di nan bano, nan tur ku yu ohochi, i ni un di nan no a perde su yu.

⁷Bo band'i kara ta manera un snechi di granatapel tras di bo velo.

⁸Tin sesenta reina i ochenta konkubina, i mucha muhenan, muchu hopi pa konta.

⁹Ma mi palomba, esun perfekto di mi, ta uniko: e ta e uniko yu muhe di su mama; e ta e yu faborito di esun ku a han'e. E mucha muhenan a mir'e i a yam'e bendishona, e reinanan i e konkubinanan tambe, i nan a gab'e.

¹⁰"Ta ken esaki ta, ku ta parse ourora, mes bunita ku luna yen, mes puru ku solo, mes temibel ku un ehersito ku emblema?"

¹¹"Mi a baha bai na e hofi di palunan di nechi, pa mira e vaye bira berde, pa mira si e matanan di wendruif a saka konopi of si e palunan di granatapel a floria.

¹²Prome ku mi a realisa esaki, mi alma a ponemi entre e garoshinan di Aminadab."

¹³"Bin bek, bin bek, O sulamita; bin bek, bin bek, pa nos por keda wak bo!" "Pakiko bo kier fiha bista riba e sulamita, manera ta fiha bista riba e baliamentu di e dos kampamentunan?