Read Papantla Totonac Kantikanan di Salomon 7 Bible Online

Kantikanan di Salomon 7 - Papantla Totonac bible

Kantikanan di Salomon 7

¹"Ki bunita bo pianan ta den sandalia, O, yu muhe di prens! E kurvanan di bo hepnan ta manera prenda, obra di e mannan di un artista.

²Bo lombrishi ta manera un kopa rondo, ku nunka ta falta bina meskla; bo barika ta manera un monton di trigo, tur sera ku leli.

³Bo dos pechunan ta manera dos yu di bina, yu ohochi di un gasel.

⁴Bo garganta ta manera un toren di ivor, bo wowonan ta manera e tankinan-di-awa di Hesbon na porta di Bat-rabim; bo nanishi ta manera e toren di Libano, ku ta keda kara pa Damasko.

⁵Bo kabes ta koronabo manera Karmelo, i e loknan riba bo kabes ta manera hilu purpura; rei ta keda enkanta ku bo krulnan.

⁶Ki bunita i ki agradabel bo ta, mi amor, ku tur bo enkantonan!

⁷Bo estatura ta manera un palma, i bo pechunan ta manera troshinan di dadel.

⁸Mi a bisa: 'Mi kier subi e palma, i mi kier kohe su ramanan di fruta tene.' O, ku bo pechunan por ta manera troshinan di wendruif, i e holo dushi di bo rosea manera apel,

⁹i bo boka manera e miho bina!" "Esaki ta baha suave asina pa mi stima, bashando poko-poko ofer di su lepnan mientras ku e ta drumi.

¹⁰Mi ta di mi stima, i su deseo ta pa mi.

¹¹Ban, mi stima, laga nos bai den kunuku; laga nos pasa nochi den e pueblitonan.

¹²Laga nos lanta tempran i bai na e kunukunan di wendruif; laga nos wak si e matanan di wendruif a saka konopi, i si su flornan a habri, i si e palunan di granatapel a floria; ayanan lo mi dunabo mi amor.

¹³E mandragoranan a manda holo dushi; i na nos portanan tin tur miho fruta, tantu nobo komo bieu, ku mi a warda pa bo, mi stima.