Read Papantla Totonac Isaiah 14 Bible Online

Isaiah 14 - Papantla Totonac bible

Isaiah 14

¹Pasobra SENOR lo tene kompashon di Jakob, i lo skohe Israel atrobe i stablese nan den nan mes tera. E ora ei stranheronan lo djoin nan i uni nan mes ku e kas di Jakob.

²I e pueblonan lo bai ku nan i hiba nan na nan luga, i e kas di Israel lo tuma nan komo un erensia den e tera di SENOR komo sirbido homber i muhe. I nan lo kaptura esnan ku antes a kaptura nan, i lo goberna riba esnan ku a oprimi nan.

³I lo sosode den e dia ku SENOR dunabo sosiegu di bo dolo, konfushon i trabou duru, ku kualnan bo a wordu sklabisa,

⁴ku lo bo entona e proverbio aki kontra rei di Babilonia, i bisa: "Mira kon e opresor a stop i kon furia a stop!

⁵SENOR a kibra garoti di e malbadonan, septer di e gobernantenan,

⁶kendenan den furia tabata golpia e pueblonan sin fin, kendenan den rabia a pone e nashonnan somete ku persekushon sin miserikordia.

⁷Henter e tera ta na pas i ta ketu; nan ta dal gritunan di alegria.

⁸Asta e palunan di sipres i e palunan di seda di Libano ta regosiha pa bo motibu, bisando: 'Desde ku bo a wordu tumba, ningun kapdo di palu no ta bin kontra nos.'

⁹"Seol aya bou ta eksita pa bo motibu, pa kontra ku bo ora bo bin; pa bo e ta spierta spiritu di e mortonan, tur e lideman di mundu; e ta hasi tur e reinan di e nashonnan lanta for di nan trono.

¹⁰Nan tur lo rosponde i bisabo: 'Abo tambe a bira debil manera nos, bo a bira meskos ku nos.

¹¹Bo luho i e muzik di bo arpanan a wordu tira den Seol; bichi ta bo kama i bichi ta bo klechi pa tapa kune.'

¹²"Mira kon bo a kai for di shelu, O strea di marduga, yu homber di mainta! Bo a wordu tira riba e tera, abo ku a debilita e nashonnan!

¹³Ma bo a bisa den bo kurason: 'Lo mi subi na shelu; lo mi hasi mi trono mas haltu ku e streanan di Dios, i lo mi sinta riba e seru di asamblea, na e partinan mas retira di nort.

¹⁴Lo mi subi mas haltu ku e halturanan di e nubianan; lo mi hasi mi mes meskos ku e Haltisimo.'

¹⁵Sinembargo, lo bo wordu tira abou den Seol, te na e partinan mas retira di e abismo.

¹⁶"Esnan ku mirabo lo fiha bista riba bo; nan lo keda wak bo, bisando: 'Ta esaki ta e homber ku a hasi tera tembla, ku a sakudi reinonan,

¹⁷ku a hasi mundu manera un desierto i ku a destrui su statnan, ku no a permit! su prezonan bai kas?'

¹⁸"Tur e reinan di e nashonnan ta drum! yen di onor, kada un den su mes tumba.

¹⁹Ma abo a wordu benta for di bo tumba, manera un rama rechasa, tapa ku e mortonan ku ta traspasa ku spada, ku ta baha bai na e piedranan di e abismo, manera un kadaver ku a wordu trapa.

²⁰Lo bo no wordu uni ku nan den graf, pasobra bo a ruina bo tera, bo a mata bo pueblo. "Ku e yunan di e hasidonan di maldat no wordu menshona nunka mas.

²¹Prepara un luga di matansa pa su yu hombernan, pa motibu di e inikidat di nan tatanan; pa nan no lanta i podera di e tera i yena e superfisio di mundu ku statnan.

²²I lo Mi lanta kontra nan," e SENOR di ehersitonan ta deklara, "i lo Mi korta nomber i sobrebibiente, yu i desendensia kita for di Babilonia," SENOR ta deklara.

²³"I lo Mi hasie bira propiedat di porko di spina, i hasie bira plasnan di awa, i lo Mi barie ku e basora di destrukshon," e SENOR di ehersitonan ta deklara.

²⁴E SENOR di ehersitonan a hura, bisando: "Siguramente, manera Mi a pensa, asina a sosode, i manera Mi a plania, asina lo pasa.

²⁵Mi ta bai kibra Asiria den Mi tera, i trap'e riba Mi serunan. E ora ei su yugo lo wordu kita for di nan, i su karga kita for di nan skouder.

²⁶"Esaki ta e plan traha kontra henter tera, i esaki ta e man ku ta ekstendi kontra tur e nashonnan.

²⁷Pasobra e SENOR di ehersitonan a plania, i ken por anula esaki? I pa loke ta Su man ekstendi, ken por hal'e bek?"

²⁸Den e ana ku rei Akaz a muri, e profesia aki a bin:

²⁹"No regosiha, abo, henter tera di Filistea, pa motibu ku e bara ku a dal bo ta kibra; pasobra for di rais di kolebra lo sali un vibora, i su fruta lo ta un kolebra ku ta bula.

³⁰I e primogenito di e pobernan lo kome, i esnan den nesesidat lo kai drumi trankil di nan. Lo Mi destrui boso rais ku hamber, i esaki lo mata boso sobrebibientenan.

³¹"Lamenta, O porta; yora, O stat; dirti bai, O Filistea, boso tur; pasobra huma ta bin for di nort, i no tin ni un hende ta ked'atras den su filanan.

³²Kiko anto hende lo kontesta e mensaheronan di e nashon? Ku SENOR a funda Sion, i ku e afliginan di Su pueblo lo buska refugio den dje."