Read Papantla Totonac Isaiah 16 Bible Online

Isaiah 16 - Papantla Totonac bible

Isaiah 16

¹Manda e lamchi di karne pa e gobernante di e tera, for di Sela dor di desierto te na e seru di e yu muhe di Sion.

²E ora ei, manera parhanan spanta, pusha for di neishi, asina e yu muhenan di Moab lo ta na e vadonan di Arnon.

³"Duna nos konseho, hasi un desishon; hasi bo sombra komo si fuera ta nochi na ora di merdia; skonde esnan rechasa, no traishona e fugitivo.

⁴Laga esnan rechasa di Moab biba serka bo; sea pa nan un luga pa skonde for di presensia di e destruido." Pasobra e destruido a yega na un fin, destrukshon a termina. Opresornan a disparse kompletamente for di e tera.

⁵Den miserikordia un trono lo keda stablesi, i den fieldat un hues lo sinta riba dje den e tent di David; ademas, e lo buska huisio i lo ta pura pa hasi hustisia.

⁶Nos a tende di e orguyo di Moab, un orguyo masha grandi mes; nos a tende di su arogansia, orguyo i furia; su gabamentunan ta bashi.

⁷Pesei Moab lo lamenta; tur hende di Moab lo lamenta. Boso lo antoha pa e klompinan di rasenchi di Kir-hareset, manera hende tur abati.

⁸Pasobra e kunukunan di Hesbon a seka, tambe e matanan di wendruif di Sibma. E senornan di e nashonnan a trapa su troshinan di wendruif di mas miho, kualnan un tempu a yega te na Jazer i a plama bai den direkshon di desierto. Nan ramanan a plama i a yega te na laman.

⁹Pesei lo mi yora amargamente pa Jazer, pa e mata di wendruif di Sibma; lo mi muhabo ku mi lagrimanan, O Hesbon i Eleale; pasobra e gritamentu a stop pa motibu ku bo frutanan di zomer i bo kosecha a faya.

¹⁰I alegria i goso ta kita for di e kunuku fruktifero; tampoko lo no tin gritu di goso ni gritu di hubilo den e kunukunan di wendruif. Ningun hende no ta trapa bina den e bakinan-di-pers-wendruif, pasobra mi a pone un fin na e gritunan.

¹¹Pesei mi kurason ta lamenta manera un arpa pa Moab, i mi paden pa Kir-hareset.

¹²Asina lo sosode ku ora Moab presenta su mes, ora ku e kansa su kurpa riba su luga haltu, i bin na su santuario pa hasi orashon, e lo no prevalese.

¹³Esaki ta e palabra ku SENOR a papia antes tokante di Moab.

¹⁴Ma awor SENOR ta papia, bisando: "Denter di tres ana, manera un trahado kontrata lo a konta esakinan, e gloria di Moab lo wordu despresia, huntu ku henter su gran poblashon; i su restante lo ta masha chikitu i debil."