Read Papantla Totonac Isaiah 18 Bible Online

Isaiah 18 - Papantla Totonac bible

Isaiah 18

¹Ai di e tera di halanan ku ta bati, ku ta keda na e otro banda di e riunan di Etiopia,

²ku ta manda embahadornan riba laman, den barkunan di papirus riba superfisio di e awanan. Boso, mensaheronan lihe, bai serka un pueblo di estatura haltu i di kutis fini, serka un pueblo ku tur parti nan tin temor p'e, un nashon poderoso i kruel, kual su tera ta wordu parti dor di riunan.

³Boso tur, habitantenan di mundu i esnan ku ta biba riba tera, asina ku un emblema wordu lanta riba e serunan, boso lo mir'e, i asina ku un trompet wordu supla, boso lo tend'e.

⁴Pasobra asina SENOR a bisami: "Trankil asina lo Mi wak for di Mi luga di biba, manera kalor ku ta briya den e lus di solo, manera un nubia di serena den e kalor di tempu di kosecha."

⁵Pasobra prome ku kosecha, asina ku tempu di floria a pasa, i e flor bira wendruif ku ta hecha, E lo korta e spreitnan kit'afo ku sker-pa-snui, anto kita i kap e takinan ku ta rama.

⁶Nan tur lo keda komo kuminda pa e parhanan di rapina ku ta biba den seru, i pa e bestianan di riba tera; parha di rapina lo pasa zomer riba nan, i tur bestia di riba tera lo pasa herfst riba nan.

⁷Na e tempu ei un regalo di omenahe lo wordu tresi pa e SENOR di ehersitonan dor di un pueblo di estatura haltu i di kutis fini, dor di un pueblo ku tur parti nan tin temor p'e, un nashon poderoso i kruel, kual su tera ta wordu parti dor di riunan-- na e luga di e nomber di e SENOR di ehersitonan, na Seru Sion.