Read Papantla Totonac Isaiah 19 Bible Online

Isaiah 19 - Papantla Totonac bible

Isaiah 19

¹Un profesia tokante di Egipto. Mira, SENOR ta kore riba un nubia ku ta pasa lihe, i ta serka di yega Egipto; e ldolonan di Egipto lo tembla den Su presensia, i kurason di e egipsionan lo dirti den nan paden.

²"Asina lo Mi instiga egipsio kontra egipsio; i kada un di nan lo bringa kontra su ruman homber, i kada un kontra su prohimo, stat kontra stat i reino kontra reino.

³Anto e spiritu di e egipsionan lo keda desanima; i lo Mi bruha nan strategia, asina ku nan lo konsulta ku ldolo, spiritu di morto, montado i spiritista.

⁴Ademas, lo Mi entrega e egipsionan den man di un maestro kruel, i un rei violento lo goberna riba nan," e Senor DIOS di ehersitonan ta deklara.

⁵E awanan for di laman lo seka, i e riu lo keda seku-seku.

⁶E kanalnan lo manda un holo stinki, e koridanan di awa di Egipto lo mengua te seka; richi i yerba lo putri bai.

⁷E yerbanan di papirus kantu di Neil, na boka di Neil, i tur loke wordu sembra den e kunukunan kantu di Neil lo seka, i bientu lo hiba nan i nan lo no t'ei mas.

⁸E piskadonan lo lamenta, i tur esnan ku ta tira lina den Neil lo lamenta, i esnan ku ta tira reda den awa poko-poko lo kaba na nada.

⁹Ademas, esnan ku ta traha lino fini i esnan ku ta wef tela blanku lo keda tur na berguensa.

¹⁰I e pilarnan di Egipto lo wordu garna; tur trahado kontrata lo sinti nan mes tristu.

¹¹Siguramente e prensnan di Zoan ta hende bobo; e konseho di e konseheronan di mas sabi di Farao a bira lokura. Kon boso por bisa Farao: "Mi ta yu di e sabinan, yu di e reinan di tempunan di antes"?

¹²Unda bo hombernan sabi ta anto? Laga nan bisabo, i laga nan komprende kiko e SENOR di ehersitonan a propone kontra Egipto.

¹³E prensnan di Zoan a hasi kos di bobo; e prensnan di Menfis a keda engana; esnan ku ta e piedra-di-skina di su tribunan a hasi Egipto dwal.

¹⁴SENOR a meskla un spiritu di perversidat den dje; nan a hasi Egipto dwal den tur loke e ta hasi, manera un homber burachi ta zeilu den loke el a saka.

¹⁵I Egipto lo no tin trabou ku kabes of rabu, rama di palma of richi por hasi.

¹⁶Den e dia ei e egipsionan lo bira manera muhe. Nan lo tembla i tin spantu pa motibu di e man di amenasa di e SENOR di ehersitonan, ku E ta bai menasa nan kune.

¹⁷I tera di Juda lo bira un teror pa Egipto. Tur hende ku menshon'e lo tin miedu di dje, pa motibu di e proposito di e SENOR di ehersitonan ku E ta propone kontra nan.

¹⁸Den e dia ei sinku stat den tera di Egipto lo papia lenga di Kanaan, i lo hura fieldat na e SENOR di ehersitonan. Un lo wordu yama Stat di Destrukshon.

¹⁹Den e dia ei lo tin un altar pa SENOR meimei di tera di Egipto, i un pilar pa SENOR na su frontera.

²⁰I esaki lo bira un senal i un testigu pa e SENOR di ehersitonan den tera di Egipto, pasobra nan lo sklama na SENOR pa motibu di opresornan, i E lo manda un Salbador i un Kampeon pa nan; i E lo libra nan.

²¹Asina SENOR lo hasi Su mes konosi na Egipto, i e egipsionan lo konose SENOR den e dia ei. Asta nan lo adora ku sakrifisio i ofrenda, i lo hasi un promesa na SENOR i kumpli ku esaki.

²²I SENOR lo suta Egipto; E lo suta i kura nan. Asina nan lo bolbe serka SENOR i E lo tende nan i lo kura nan.

²³Den e dia ei lo tin un kaminda grandi for di Egipto pa Asiria, i e asirionan lo bai Egipto i e egipsionan lo bai Asiria, i e egipsionan lo adora huntu ku e asirionan.

²⁴Den e dia ei Israel lo ta e di tres partido huntu ku Egipto i Asiria, un bendishon meimei di e tera.

²⁵Asina e SENOR di ehersitonan lo bendishona nan, bisando: "Bendishona ta Egipto, Mi pueblo, i Asiria, e obra di Mi mannan, i Israel, Mi erensia."