Read Papantla Totonac Isaiah 27 Bible Online

Isaiah 27 - Papantla Totonac bible

Isaiah 27

¹Den e dia ei SENOR, ku Su spada furioso, grandi i poderoso, lo kastiga Leviatan, e kolebra ku ta move lihe, si, Leviatan, e kolebra ku ta trose; i E lo mata e dragon ku ta biba den laman.

²Den e dia ei: "Un kunuku di wendruif, kanta di dje!

³Ami, SENOR, ta su wardado; Ami ta muh'e tur ora bai. Pa ningun hende no hasi dano na dje, Mi ta ward'e di dia i anochi.

⁴Mi no ta rabia. Si un hende a dunaMi kadushi i sumpina den bataya, lo Mi a trapa riba nan, lo Mi a kima nan kompletamente.

⁵Of lagu'e konfia riba Mi protekshon, lagu'e hasi pas ku Mi, lagu'e hasi pas ku Mi."

⁶Den e dianan ku ta bin Jakob lo saka rais, Israel lo floria i spreit, i yena henter mundu ku fruta.

⁷Akaso El a bati Israel manera El a bati esnan ku a bati nan? Of nan a wordu mata konforme e matansa di esnan ku El a mata?

⁸Bo a lucha ku nan dor di deporta nan, dor di kore ku nan. Ku Su bientu fuerte El a ekspulsa nan riba e dia di bientu di pariba.

⁹Pesei pa medio di esaki Jakob su inikidat lo ta pordona; i esaki lo ta e preis kompleto pa e pordon di su pika: ora ku e hasi tur e piedranan di altar manera piedra di kalki garna, ora ku e imagennan di Asera i e altarnan di sensia lo no keda para.

¹⁰Pasobra e stat fortifika ta keda isola, un pueblito ku ta bandona i laga manera desierto; ayanan bishe lo kome yerba i ayanan e lo kai drumi i kome te kaba ku su ramanan.

¹¹Ora su takinan seka, nan ta wordu kita afo; muhenan ta bin sende kandela ku nan. Pasobra nan no ta un pueblo ku disernimentu, pesei Esun ku a traha nan lo no tene miserikordia di nan, i nan Kreador lo no tene kompashon ku nan.

¹²Ma lo sosode den e dia ei ku SENOR lo kuminsa ku Su batimentu di mainshi for di e korida di Riu Eufrates te na e roi di Egipto; i boso lo wordu reuni un pa un, O yunan di Israel.

¹³Tambe lo sosode den e dia ei ku un gran trompet lo wordu toka; i esnan ku tabata perese den tera di Asiria i ku tabata plama den tera di Egipto lo bin i adora SENOR riba e seru santu na Jerusalem.