Read Papantla Totonac Isaiah 30 Bible Online

Isaiah 30 - Papantla Totonac bible

Isaiah 30

¹"Ai di e yunan rebelde," SENOR ta deklara, "kendenan ta ehekuta un plan ku no ta di Mi, i ku ta sera un aliansa ku no ta di Mi Spiritu, pa montona pika riba pika;

²ku ta baha bai Egipto sin konsulta ku Mi, pa buska refugio den e siguridat di Farao, i pa buska protekshon den e sombra di Egipto!

³Pesei e siguridat di Farao lo ta boso berguensa, i e protekshon den e sombra di Egipto lo ta boso umiyashon.

⁴Pasobra nan prensnan ta na Zoan, i nan embahadornan ta yega Hanes.

⁵Tur hende lo tin berguensa pa motibu di un pueblo ku no por ta di probecho pa nan, ku no ta di yudansa ni di probecho, ma di berguensa i tambe di reproche."

⁶E profesia tokante di e bestianan di Negev. Dor di un tera di aflikshon i angustia, for di kaminda ta bin leon muhe i leon machu, vibora i kolebra ku ta bula, nan ta karga nan rikesanan riba lomba di buriku yon, i nan tesoronan riba bulto di kamel, hiba na un pueblo ku no por ta di probecho pa nan;

⁷sf na Egipto, kende su yudansa ta bano i bashf Pesei Mi a yam'e "Rahab, esun ku ta sinta pornada."

⁸Bai awor, skirbi esaki den nan presensia riba un tabla, i registr'e den un rol, pa esaki por sirbi den e tempu ku ta bin komo un testigu pa semper.

⁹Pasobra esaki ta un pueblo rebelde, yunan mentiroso, yunan ku ta nenga di skucha e instrukshon di SENOR;

¹⁰ku ta bisa e miradonan: "No mira vishon", i ku ta bisa e profetanan: "No profetisa pa nos loke ta korekto; papia kosnan agradabel ku nos; profetisa mentira.

¹¹Kita for di e kaminda, hala for di e bereha; no laga nos tende mas di Esun Santu di Israel."

¹²Pesei, asina Esun Santu di Israel ta bisa: "Komo ku boso a rechasa e palabra aki i a pone boso konfiansa den opreshon i engano, i a depende riba nan,

¹³pesei e inikidat aki lo ta pa boso manera kibra den un muraya ku ta serka di kai, un muraya haltu ku a blas, ku su kaida ta bin direpiente, den un instante.

¹⁴E lo kibra na pida-pida manera butishi di alfarero, asina kruelmente kibra ku ni un fragmento lo no wordu hana entre su pidanan pa kohe kandela for di fogon, of pa saka awa for di rembak kune."

¹⁵Pasobra asina Senor DIOS, Esun Santu di Israel, a bisa: "Den repentimentu i sosiegu boso lo ta salba; den kietut i konfiansa boso fortalesa ta." ma boso no tabata dispuesto,

¹⁶i boso a bisa: "No, nos lo hui riba kabai," pesei boso lo hui! "I nos lo kore riba kabai lihe," pesei esnan ku ta persigui boso lo ta lihe.

¹⁷Mil lo hui pa amenasa di un hende; boso lo hui pa amenasa di sinku hende, te ora boso keda manera un bandera riba kabes di un seru, i manera un senal riba un seritu.

¹⁸Pesei SENOR ta anhela di ta miserikordioso ku boso, i pesei E lo wordu halsa pa tene kompashon ku boso. Pasobra SENOR ta un Dios di huisio; bendishona ta tur esnan ku ta spera riba djé.

¹⁹O pueblo di Sion, ku ta biba na Jerusalem, lo bo no yora mas. Siguramente E lo ta miserikordioso ku bo ora ku E tende e zonidu di bo yoramentu; ora ku E tende esaki, E lo kontestabo.

²⁰Maske Senor a duna boso pan di atversidat i awa di aflikshon, E, bo Sinado, lo no skonde Su mes mas, ma bo wowonan lo mira bo Sinado.

²¹Bo orea lo tende un palabra tras di bo ta bisa: "Esaki ta e kaminda, kana den dje," ki ora ku boso bira na man drechi of na man robes.

²²I lo bo desonra bo imagennan graba, kubri ku plata, i bo imagennan basha, kubri ku oro. Lo bo tira nan afo, manera un kos masha fis mes, i lo bisa nan: "Bail"

²³E ora ei E lo dunabo awaseru pa e simia ku lo bo sembra den tera, i pan for di e produkshon di tera, i esaki lo ta riku i abundante. Den e dia ei bo bestianan lo kome den un luga di yerba berde ku tin hopi espasio.

²⁴Tambe e bueynan i e burikunan ku ta plug tera lo kome kuminda sala, ku a wordu bienta ku skop i forki.

²⁵I riba tur montana haltu i riba tur seru haltu lo tin roinan di awa ta kore den e dia di e gran matansa, ora ku e torennan kai.

²⁶I lus di luna lo ta manera lus di solo, i lus di solo lo ta shete bes mas kla, manera lus di shete dia, den e dia ku SENOR mara e fraktura di Su pueblo i kura e herida ku El a kousa.

²⁷Mira, e nomber di SENOR ta bin for di un luga leu; Su rabia ta kima i Su huma ta diki; Su lepnan ta yen di indignashon, i Su lenga ta manera un kandela ku ta destrui;

²⁸i Su rosea ta manera un korida di awa ku ta basha ofer, ku ta yega te na garganta-- pa sakudi e nashonnan p'aki p'aya den un sefta, i pa pone den boka di e pueblonan e frena ku ta hiba nan na ruina.

²⁹Boso lo tin kantika manera den anochi, ora boso ta selebra un fiesta; i alegria di kurason manera ora ku un hende ta marcha riba zonidu di fluit, pa bai na e seru di SENOR, na e Baranka di Israel.

³⁰I SENOR lo laga hende tende Su bos di outoridat, i lo laga nan mira Su brasa baha ku rabia furioso i ku kandela ku ta destrui, ku awaseru pisa, yobida duru i hagel.

³¹Pasobra e bos di SENOR lo hasi Asiria keda yen di teror, ora ku E suta ku bara.

³²I kada sla ku bara di kastigu ku SENOR lo pone riba dje, lo ta ku muzik di tamburein i lirio; i den batayanan, mientras ku E ta zwai ku arma, E lo bringa nan.

³³Pasobra Tofet tabata kla pa hopi tempu kaba; di berdat, el a wordu prepara pa rei. El a trah'e hundu i hanchu, ku kandela i palu na kantidat; e rosea di SENOR ta send'e na kandela, manera un korida di swafel.