Read Papantla Totonac Isaiah 31 Bible Online

Isaiah 31 - Papantla Totonac bible

Isaiah 31

¹Ai di esnan ku ta baha bai Egipto pa buska yudansa, ku ta depende riba kabai i ta konfia den garoshi, pasobra nan ta hopi, i den koredo di kabai, pasobra nan ta masha fuerte mes, ma nan no ta mira na Esun Santu di Israel, ni nan no ta buska SENOR!

²Tog E tambe ta sabi i lo trese desaster, i no ta hala Su palabranan atras, ma lo lanta kontra e kas di hasidonan di maldat, i kontra e yudansa di esnan ku ta hasi inikidat.

³Awor e egipsionan ta hende i no Dios, i nan kabainan ta karni i no spiritu; asina SENOR lo ekstende Su man, i esun ku ta yuda lo trompeka, i esun ku a wordu yuda lo kai, i nan tur huntu lo yega na un fin.

⁴Pasobra asina SENOR ta bisami: "Meskos ku leon of leon yon ta gruna riba su proi (ora ku un multitut di wardado di karne ta reuni kontra dje, e no tin miedu di nan bos, ni ta sinti su mes molestia dor di nan gritu), asina e SENOR di ehersitonan lo baha bin pa bringa riba Seru Sion i riba su seritu."

⁵Manera parhanan ku ta keda zwef, asina e SENOR di ehersitonan lo proteha Jerusalem. E lo proteh'e i libr'e; E lo defend'e i reskat'e.

⁶Bolbe serka Esun ku boso a rebeldia kontra djé asina tantu, O yunan di Israel.

⁷Pasobra den e dia ei kada un di boso lo deshasi di su ldolonan di plata i di su ldolonan di oro, ku boso man pekaminoso a traha.

⁸I e asirio lo kai pa medio di spada ku no ta di hende, i un spada ku no ta di hende lo devor'e. Asina e lo no skapa for di spada, i su hobennan lo ta obliga di hasi trabou forsa.

⁹"I su baranka lo kaba na nada pa motibu di paniko, i su prensnan lo tin masha miedu mes di e emblema," SENOR, Kende Su kandela ta na Sion i Kende Su fornu ta na Jerusalem, ta deklara.