Read Papantla Totonac Isaiah 34 Bible Online

Isaiah 34 - Papantla Totonac bible

Isaiah 34

¹Hala serka pa tende, O nashonnan; i skucha, O pueblonan! Laga tera i tur loke e ta kontene tende, i mundu i tur loke e ta produsi.

²Pasobra SENOR Su indignashon ta kontra tur e nashonnan, i Su furia ta kontra tur nan ehersitonan. El a destrui nan kompletamente, El a entrega nan pa matansa.

³Asina nan mortonan lo wordu tira afo, i nan kadavernan lo manda holo stinki, i e serunan lo keda papa muha di nan sanger.

⁴I henter e ehersito di shelu lo disolve, i e shelunan lo wordu lora, manera ta lora un rol; tur nan ehersitonan tambe lo seka, manera blachi ta seka na mata di wendruif, of manera blachi ta seka na palu di figo.

⁵Pasobra Mi spada ta sasia den shelu; mira, e lo baha pa huzga Edom i pa huzga e pueblo ku Mi a destina pa destrukshon.

⁶E spada di SENOR ta tur na sanger; e ta yen-yen di vet, di sanger di lamchi i di kabritu, di vet di nir di karne chubatu. Pasobra SENOR tin un sakrifisio na Bosra, i un gran matansa na tera di Edom.

⁷Buey di mondi tambe lo kai huntu ku nan, i toro yon huntu ku esnan fuerte; asina nan tera lo ta papa muha di sanger, i nan stof lo ta satura ku vet.

⁸Pasobra SENOR tin un dia di vengansa, un ana di rekompensa pa kousa di Sion.

⁹Su koridanan di awa lo bira breu, i su stof lo bira swafel. Su tera lo bira breu ku ta kima.

¹⁰E lo no wordu paga di dia ni anochi; su huma lo subi bai ariba pa semper; di generashon pa generashon e lo keda desola; hamas ningun hende lo pasa dor di dje.

¹¹Ma pelikan i porko di spina lo podera di dje, i palabrua i raf lo biba den dje. I E lo span e lina di konfushon riba dje, i e chumbu-di-midi di desolashon.

¹²Su nobelnan--no tin ni un di nan ayanan ku nan por proklama komo rei-- i tur su prensnan lo ta nada.

¹³Sumpina lo nase den su torennan fortifika, bringamosa i kadushi den su statnan fortifika; tambe e lo ta un luga pa chakal biba aden i un luga pa abestrus keda.

¹⁴Bestia di desierto lo kontra ku lobo, tambe kabritu di mondi lo grita otro. Sp e monster di anochi lo biba ayanan, i lo hana un luga di sosega pa su mes.

¹⁵Palabrua lo traha neishi ayanan i pone webu, e lo brui nan i trese nan huntu bou di su protekshon; si, kinikini lo reuni ayanan, kada un ku su sorto.

¹⁶Buska i lesa den e buki di SENOR: Ningun di esakinan lo no falta; ningun lo no falta su kompanero. Pasobra Su boka a ordena, i Su Spiritu a reuni nan.

¹⁷Anto El a tira suerte pa nan, i Su man a partie pa nan segun midi. E lo ta di nan pa semper; di generashon pa generashon nan lo biba den dje.