Read Papantla Totonac Isaiah 4 Bible Online

Isaiah 4 - Papantla Totonac bible

Isaiah 4

¹Den e dia ei shete muhe lo gara un homber, bisando: "Nos lo kome nos mes pan i bisti nos mes pana. Solamente, laga nos karga bo nomber. Kita nos reproche!"

²Den e dia ei e Rama di SENOR lo ta bunita i glorioso, i e fruta di e tera lo ta e orguyo i e adorno di e sobrebibientenan di Israel.

³I lo sosode ku esun ku resta den Sion i keda na Jerusalem lo wordu yama santu--kada un ku wordu registra entre e bibunan na Jerusalem.

⁴Ora SENOR a laba kita e sushedat di e yu muhenan di Sion, i a limpia e sanger for di meimei di Jerusalem pa medio di e spiritu di huisio i e spiritu di kandela,

⁵e ora ei Senor lo krea riba henter e teritorio di Seru Sion i riba su asambleanan un nubia di huma den dia, i anochi e splendor di un kandela tur na flam, pasobra lo tin un kapa riba henter e gloria.

⁶I lo tin un kabana pa duna sombra kontra kalor den dia, i refugio i protekshon kontra tempestat i awaseru.