Read Papantla Totonac Isaiah 46 Bible Online

Isaiah 46 - Papantla Totonac bible

Isaiah 46

¹Bel a buig; Nebo a buk; nan a pone nan imagennan riba bestia di karga i baka, pa esakinan karga nan. E kosnan ku boso ta karga ta pisa, un karga pisa pa e bestianan kansa.

²Nan a buk; tur huntu nan a buig; nan no por a reskata e karga, ma nan mes a bai den koutiverio.

³"SkuchaMi, O kas di Jakob, i henter e restante di e kas di Israel, boso ku Mi a karga for di dia di konsepshon, i ku a wordu karga for di dia di nasementu.

⁴Te na boso biehes Ami lo ta meskos, i te na boso ananan di kabei blanku lo Mi karga boso! Mi a traha boso i lo Mi sostene boso; lo Mi karga boso i lo Mi libra boso.

⁵"Ku ken boso kier komparaMi, i konsideraMi igual i similar, pa nos por ta meskos?

⁶Esnan ku ta basha oro for di saku i ta pisa plata den balansa ta kontrata un plate pa e traha un dios kune; nan ta buig te na suela, di berdat, nan ta ador'e.

⁷Nan ta his'e pone riba skouder i ta kargu'e; nan ta pon'e na su luga i einan e ta keda para. E no ta kita for di su luga. Maske un hende sklama na dje, e no por kontesta; E no por libr'e for di su angustia.

⁸"Korda esaki, i hink'e bon den boso kabes; tum'e na kuenta, boso, transgresornan.

⁹Korda e kosnan di antes, kosnan di hopi tempu pasa, pasobra Ami ta Dios, i no tin ningun otro Dios. Ami ta Dios, i no tin ningun manera Mi,

¹⁰Kende ta deklara e fin for di prinsipio, i for di tempunan antiguo, kosnan ku no a wordu hast ainda, bisando: 'Mi proposito lo wordu stablest, i lo Mi kumpli ku tur loke ta agradaMi';

¹¹for di pariba Mi ta yama un parha di rapina, for di un tera leu un homber pa ehekuta Mi proposito. Di berdat Mi a papia; di berdat lo Mi kumpli kune. Mi a plania esaki, siguramente lo Mi hasie.

¹²SkuchaMi, boso, kabesuranan, boso ku ta leu di hustisia.

¹³Lo Mi trese Mi hustisia serka, e no ta leu; i Mi salbashon lo no tarda. Lo Mi duna salbashon den Sion i Mi gloria pa Israel.