Read Papantla Totonac Isaiah 53 Bible Online

Isaiah 53 - Papantla Totonac bible

Isaiah 53

¹Ken a kere nos mensahe? I na ken e brasa di SENOR a wordu revela?

²Pasobra El a krese Su dilanti manera un spreit delikado, i manera un rais for di tera seku; E no tabatin ni forma ni mahestat, pa nos lo a wak na djé, ni bunitesa, pa nos lo a dese'E.

³El a wordu despresia i bandona pa hende, un homber di tristesa, ku konose sufrimentu; i manera un persona ku hende ta skonde kara p'e, El a wordu despresia, i nos no tabatin apresio p'E.

⁴Siguramente E mes a karga nos enfermedatnan, i El a karga nos tristesa; tog nos mes a konsider'E golpia, suta pa Dios, i afligi.

⁵Ma El a wordu traspasa pa nos transgreshonnan, El a wordu golpia pa nos inikidatnan; e kastigu ku a trese pas pa nos tabata riba djé, i pa medio di Su heridanan nos ta kura.

⁶Nos tur a kana dwal manera karne, kada un a kohe su mes kaminda; ma SENOR a hasi e inikidat di nos tur baha riba djé.

⁷E tabata oprimi i E tabata afligi, tog E no a habri Su boka; manera un lamchi ku ta wordu hiba pa mata, i manera un karne ta ketu dilanti di su peladonan, asina E no a habri Su boka.

⁸Pa medio di opreshon i huisio nan a bai kuné. I pa loke ta Su generashon: ta ken a konsidera ku El a wordu korta kita for di e tera di e bibunan, pa e transgreshon di mi pueblo ku tabata merese e golpi?

⁹Nan a dispone ku Su graf lo ta huntu ku e malbadonan, i E tabata huntu ku e rikunan den Su morto, ounke ku E no a komete violensia nunka, ni mentira no a wordu hana den Su boka.

¹⁰Ma tabata e boluntat di SENOR pa herid'E; El a hasié sufri. Si E entrega Su mes komo un ofrenda pa kulpa, E lo mira Su desendientenan, E lo tin bida largu; i e boluntat di SENOR lo prospera den Su man.

¹¹Komo resultado di e angustia di Su alma, E lo mira esaki i lo keda satisfecho; dor di Su konosementu Esun Hustu, Mi Sirbido, lo hustifika hopi hende, pasobra E lo karga nan inikidatnan.

¹²Pesei lo Mi dun'E un porshon huntu ku e poderosonan, i E lo parti e botin ku e fuertenan; pasobra El a drama Su bida te na morto, i a wordu konta huntu ku e transgresornan; i E mes a karga e pika di hopi hende, i a intersede pa e transgresornan.