Read Papantla Totonac Isaiah 56 Bible Online

Isaiah 56 - Papantla Totonac bible

Isaiah 56

¹Asina SENOR ta bisa: "Mantene huisio i hasi hustisia, pasobra Mi salbashon ta serka di bin, i Mi hustisia ta serka di wordu revela.

²Bendishona ta e hende ku ta hasi esaki, i e yu di hende ku ta tene na dje, ku ta warda dia di sabat pa e no profan'e, i ta wanta su man pa no hasi malu."

³No laga e stranhero ku a uni su mes ku SENOR bisa: "Siguramente SENOR lo separami for di Su pueblo." Ni laga e eunuko bisa: "Mira, mi ta un palu seku."

⁴Pasobra asina SENOR ta bisa: "E eunukonan ku ta warda Mi sabatnan, ku ta skohe loke ta agradaMi, i ta tene firme na Mi aliansa,

⁵eseinan lo Mi duna un rekuerdo den Mi kas i paden di Mi murayanan, i un nomber ku ta miho ku esun di yu hombernan i yu muhenan; lo Mi duna nan un nomber eterno ku lo no wordu korta kita afo.

⁶Tambe e stranheronan ku uni nan mes ku SENOR, pa sirbié, i pa stima e nomber di SENOR, pa ta Su sirbidonan, kada un ku no ta profana dia di sabat, i ta tene firme na Mi aliansa,

⁷eseinan lo Mi hiba na Mi seru santu, i lo Mi hasi nan kontentu den Mi kas di orashon. Nan ofrendanan kima i nan sakrifisionan lo ta aseptabel riba Mi altar, pasobra Mi kas lo wordu yama kas di orashon pa tur e pueblonan."

⁸Senor DIOS, Kende ta reuni esnan plama di Israel, ta deklara: "Ainda lo Mi reuni otronan huntu ku nan, fuera di esnan ku ya ta reuni kaba."

⁹Boso, tur bestia di sabana i boso, tur bestia di mondi-sera, bin kome.

¹⁰Su guardianan ta siegu, ni un di nan no sa nada. Nan tur ta kacho mudo ku no por blaf; nan ta hende ku ta drumi abou, blo sona numa, nan ta gusta drumi;

¹¹i e kachonan ta golos, nunka nan no tin basta. Nan ta wardado di karne ku no tin komprendementu; nan tur a kohe nan mes kaminda, kada un ta buska su ganashi inhustu, delaster un di nan.

¹²"Ban," nan ta bisa, "laga nos ban buska bina; laga nos bebe nos barika yen ku bibida sterki; i manan lo ta manera awe, muchu mas miho ainda."