Read Papantla Totonac Isaiah 64 Bible Online

Isaiah 64 - Papantla Totonac bible

Isaiah 64

¹O ku Bo lo a sker e shelunan i baha bin, ku e serunan lo a tembla den Bo presensia--

²manera kandela ta kima palu seku, manera kandela ta hasi awa herebe-- pa hasi Bo nomber konosi na Bo atversarionan, pa e nashonnan tembla dilanti di Bo presensia!

³Tempu ku Bo a hasi kosnan temibel ku nos no a spera, bo a baha bin, e serunan tabata tembla dilanti di Bo presensia.

⁴Pasobra for di tempunan aya nan no a tende, ni nan orea no a persibi, ni wowo no a mira un Dios fuera di Bo, Kende ta obra pa esun ku ta spera riba djé.

⁵Bo ta bin na yudansa di esun ku ta gosa di hasi hustisia, ku ta korda riba Bo den Bo kamindanan. Mira, Bo tabata rabia, pasobra nos a peka; nos a sigui den nan pa hopi tempu; anto nos lo wordu salba?

⁶Pasobra nos tur a bira manera hende ku ta impuru, i tur nos echonan hustu ta manera pana masha fis mes. Nos tur ta marchita manera blachi, i manera bientu nos inikidatnan ta hiba nos bai kune.

⁷No tin ni un hende ku ta invoka Bo nomber, ku ta hasi esfuerso pa tene na Bo; pasobra Bo a skonde Bo kara pa nos, i a entrega nos na e poder di nos inikidatnan.

⁸Ma awor, O SENOR, Abo ta nos Tata, nos ta e klei i Abo ta nos alfarero; i nos tur ta e obra di Bo man.

⁹No rabia di mas, O SENOR, ni korda inikidat pa semper; mira nos, nos ta pidiBo, pasobra nos tur ta Bo pueblo.

¹⁰Bo statnan santu a bira un desierto, Sion a bira un desierto, Jerusalem un desolashon.

¹¹Nos kas santu i bunita, kaminda nos tatanan tabata alabaBo, a wordu kima ku kandela; i tur nos kosnan presioso a bira ruina.

¹²O SENOR, lo Bo keda sin hasi nada pa motibu di e kosnan aki? Lo Bo keda ketu i afligi nos sin midi?