Read Papantla Totonac Isaiah 7 Bible Online

Isaiah 7 - Papantla Totonac bible

Isaiah 7

¹Awor a sosode den e dianan di Akaz, yu homber di Jotam, yu homber di Uzias, rei di Juda, ku Rezin, rei di Siria, i Peka, yu homber di Remalias, rei di Israel, a bai Jerusalem pa bringa kontra dje, ma no por a konkist'e.

²Ora ku e notisia a yega na e kas di David: "Siria a uni ku Efrain," su kurason i kurason di su pueblo a tembla manera palu di mondi ta tembla den bientu.

³E ora ei SENOR a bisa Isaias: "Abo ku bo yu homber Sear-jasub, sali bai kontra ku Akaz na fin di e akuadukto di e tanki ariba, riba e kaminda grandi ku ta bai pa kunuku di e Felt di Labado,

⁴i bis'e: 'Tene kuidou i keda trankil; no tene miedu i no laga bo kurason desmaya pa motibu di e dos stompinan aki di palu ku ta huma, pa motibu di e rabia ardiente di Rezin i Siria, i e yu homber di Remalias.

⁵Pasobra Siria, huntu ku Efrain i e yu homber di Remalias, a plania maldat kontra bo, bisando:

⁶"Laga nos bai kontra Juda i teroris'e, i traha pa nos mes un kibra den su murayanan i pone yu homber di Tabeel komo rei den dje;"

⁷pesei Senor DIOS ta bisa: "Esei lo no tuma luga; esei lo no sosode.

⁸Pasobra e kabes di Siria ta Damasko i e kabes di Damasko ta Rezin-- awor denter di sesent'i sinku ana mas Efrain lo keda destrosa, asina ku e lo no ta un pueblo mas--

⁹i e kabes di Efrain ta Samaria i e kabes di Samaria ta e yu homber di Remalias. Si boso no kier kere, siguramente boso lo no permanese.

¹⁰E ora ei SENOR a bolbe papia ku Akaz, i a bisa:

¹¹"Pidi un senal pa bo mes for di SENOR bo Dios; hasie hundu manera Seol of haltu manera shelu."

¹²Ma Akaz a bisa: "Lo mi no pidi, ni lo mi no tenta SENOR!"

¹³E ora ei Isaias a bisa: "Skucha awor, O kas di David! No ta basta ku bo ta kansa hende, ku awor bo ta kansa mi Dios tambe?

¹⁴Pesei Senor mes lo duna boso un senal: Mira, un birgen lo sali na estado i lo hana un yu homber, i e lo dun'E e nomber Emanuel.

¹⁵E lo kome lechi kuaha i miel, asina ku E sa di nenga maldat i skohe bondat.

¹⁶Pasobra prome ku e mucha homber lo sa di nenga maldat i skohe bondat, e tera di e dos reinan, di kendenan bo tin miedu, lo ta bandona.

¹⁷SENOR lo trese riba bo, riba bo pueblo i riba e kas di bo tata, dianan manera nunka a bin for di dia ku Efrain a separa su mes for di Juda. E lo trese rei di Asiria."

¹⁸I lo sosode den e dia ei ku SENOR lo fluit pa e muska ku ta na e parti mas aleha di e riunan di Egipto, i pa e abeha ku ta na tera di Asiria.

¹⁹I nan tur lo bin i baha den e vayenan hundu, den e skernan den baranka, den tur mata di sumpina i den tur luga pa bebe awa.

²⁰Den e dia ei Senor lo uza un nabaha ku El a hur for di e regionnan na e otro banda di Riu Eufrates, esta, rei di Asiria, pa feita kabes i kabei di pia, i pa kita barba tambe.

²¹I lo sosode den e dia ei ku un homber lo tene un bishe muhe i dos karne na bida.

²²I lo sosode ku pa motibu di e abundansia di lechi produsi e lo kome lechi kuaha, pasobra tur ku a resta den e tera lo kome lechi kuaha i miel.

²³I lo sosode den e dia ei ku tur luga ku tabatin mil mata di wendruif, na balor di mil siklo di plata, lo tin solamente kadushi i mata di sumpina.

²⁴Hende lo bin ayanan ku bog i flecha, pasobra henter e tera lo ta yen di kadushi i mata di sumpina.

²⁵I pa loke ta tur e seritunan ku tabata wordu kultiva ku chapi, boso lo no bai ayanan pa miedu di kadushi i mata di sumpina, ma nan lo bira un luga pa pastoria buey i pa karne trapa.