Read Papantla Totonac Levitiko 12 Bible Online

Levitiko 12 - Papantla Totonac bible

Levitiko 12

¹I SENOR a papia ku Moises, bisando:

²"Papia ku e yunan di Israel, bisando: 'Ora ku un muhe konsebi i duna lus na un yu homber, e lo keda impuru pa shete dia; manera den e dianan di su menstruashon e lo keda impuru.

³I riba e di ocho dia e karni di prepusio di e yu homber mester wordu sirkumsida.

⁴E ora ei e muhe mester keda den e sanger di su purifikashon trint'i tres dia largu; e no mag mishi ku nada konsagra ni drenta den e santuario, te ora ku e dianan di su purifikashon keda kumpli.

⁵Ma si e duna lus na un yu muhe, e lo keda impuru pa dos siman, manera den su menstruashon; i e mester keda den e sanger di su purifikashon pa sesent'i seis dia.

⁶'I ora e dianan di su purifikashon keda kumpli, pa un yu homber of pa un yu muhe, e mester hiba un lamchi di un ana komo un ofrenda kima, i un pichon of un tortelduif komo un ofrenda pa pika pa e saserdote na entrada di e tent di reunion.

⁷E ora ei e saserdote mester ofrese esaki dilanti di SENOR i hasi ekspiashon pa e muhe, i e lo keda limpi di su derama di sanger. 'Esaki ta e lei pa esun ku ta duna lus, sea na yu homber of na yu muhe.

⁸Ma si e no por duna un lamchi, e ora ei e mester tuma dos tortelduif of dos pichon, esun komo un ofrenda kima i e otro komo un ofrenda pa pika; i e saserdote mester hasi ekspiashon p'e, i e lo keda limpi.'"