Read Papantla Totonac Levitiko 18 Bible Online

Levitiko 18 - Papantla Totonac bible

Levitiko 18

¹E ora ei SENOR a papia ku Moises, bisando:

²"Papia ku e yunan di Israel i bisa nan: 'Ami ta SENOR boso Dios.

³Boso no mester hasi manera nan ta hasi na tera di Egipto, kaminda boso tabata biba, ni hasi loke nan ta hasi na tera di Kanaan, kaminda Mi ta hiba boso; boso no mester kana den nan statutonan.

⁴Boso mester kumpli ku Mi ordenansanan i warda Mi statutonan pa kana den nan; Ami ta SENOR boso Dios.

⁵Pesei, warda Mi statutonan i Mi ordenansanan, pa medio di kual un hende lo biba si e hasi nan; Ami ta SENOR.

⁶'Ni un di boso no mag aserka ningun di su famia yega pa deskubri su sunu; Ami ta SENOR.

⁷'No deskubri sunu di bo tata, esta, sunu di bo mama. E ta bo mama; no deskubri su sunu.

⁸'No deskubri sunu di esposa di bo tata; ta sunu di bo tata.

⁹'No deskubri sunu di bo ruman muhe, sea yu muhe di bo tata of yu muhe di bo mama, sea ku el a nase na kas of otro kaminda.

¹⁰'No deskubri sunu di yu muhe di bo yu homber of yu muhe di bo yu muhe, pasobra nan sunu ta bo sunu.

¹¹'No deskubri sunu di yu muhe di esposa di bo tata, engendra dor di bo tata; e ta bo ruman muhe.

¹⁷'No deskubri sunu di un muhe i di su yu muhe; no tuma yu muhe di su yu homber ni yu muhe di su yu muhe pa deskubri su sunu; nan ta famia yega. Esaki ta maldat.

¹⁸'No tuma un muhe komo rival di su ruman muhe, pa deskubri su sunu, mientras ku e otro ta na bida.

¹⁹'No aserka un muhe pa deskubri su sunu durante di su impuresa di menstruashon.

²⁰'No tene relashon seksual ku esposa di bo prohimo, asina ku bo ta wordu kontamina kune.

²¹'No duna ningun hende di bo desendensia pa wordu ofresi na Molok; no profana e nomber di bo Dios; Ami ta SENOR.

²²'No drumi ku homber manera ta drumi ku muhe; ta un abominashon.

²³'No tene relashon seksual ku ningun bestia pa wordu kontamina kune, ni ningun muhe no mag para dilanti di un bestia pa tene relashon seksual kune; ta un pervershon.

²⁴'No kontamina boso mes ku ningun di e kosnan aki, pasobra ta ku tur esakinan e nashonnan, ku Mi ta bai kore ku nan saka nan for di boso dilanti, a wordu kontamina.

²⁵Pasobra e tera a wordu kontamina, pesei Mi a bishita su inikidat riba dje, i e tera a skupi su habitantenan afo.

²⁶Ma pa loke ta boso, boso mester warda Mi statutonan i Mi ordenansanan, i no mester hasi ningun di e abominashonnan aki, ni e yu di tera, ni e stranhero ku ta keda biba pa un tempu meimei di boso

²⁷(pasobra e hendenan di e tera, kendenan tabata prome ku boso, a hasi tur e abominashonnan aki, i e tera a wordu kontamina),

²⁸pa e tera no skupi boso afo, si boso kontamin'e, manera el a skupi e nashon afo ku tabata prome ku boso.

²⁹'Pasobra ken ku hasi kualke di e abominashonnan aki, e personanan ku hasi asina, mester wordu korta kita for di meimei di nan pueblo.

³⁰Asina boso mester kumpli ku Mi enkargo, pa boso no praktika ningun di e kustumbernan abominabel ku a wordu praktika prome ku boso, pa boso no kontamina boso mes ku nan; Ami ta SENOR boso Dios.'"