Read Papantla Totonac Jeremias 11 Bible Online

Jeremias 11 - Papantla Totonac bible

Jeremias 11

¹E palabra ku a yega na Jeremias for di SENOR, bisando:

²"Skucha e palabranan di e aliansa aki i papia ku e hombernan di Juda i ku e habitantenan di Jerusalem,

³i bisa nan: 'Asina SENOR, e Dios di Israel, ta bisa: "Maldishona ta e hende ku no ta obedese e palabranan di e aliansa aki,

⁴ku Mi a ordena boso antepasadonan tempu ku Mi a saka nan for di tera di Egipto, for di e fornu di heru, bisando: 'Skucha Mi bos i hasi segun tur loke Mi ta ordena boso; asina boso lo ta Mi pueblo i Ami lo ta boso Dios,'

⁵pa konfirma e huramentu ku Mi a hura boso antepasadonan, pa duna nan un tera ku tin lechi i miel na abundansia, manera ta awe.

⁶I SENOR a bisami: "Proklama tur e palabranan aki den e statnan di Juda i den e kayanan di Jerusalem, bisando: 'Skucha e palabranan di e aliansa aki i kumpli ku nan.

⁷Pasobra bes tras bes Mi a spierta boso tatanan, tempu ku Mi a saka nan for di tera di Egipto, i te dia djawe ainda Mi ta spierta nan, bisando: "Skucha Mi bos."

⁸Sinembargo, nan no a obedese ni a inklina nan orea, ma kada un a kana segun e kapricho di su mes kurason malbado. Pesei Mi a trese riba nan tur e palabranan di e aliansa aki, ku mi a ordena nan pa kumpli kune, ma nan no a kumpli kune.'"

⁹E ora ei SENOR a bisami: "Un komplot a wordu hana entre e hombernan di Juda i entre e habitantenan di Jerusalem.

¹⁰Nan a bolbe na e inikidatnan di nan antepasadonan, kendenan a nenga di tende na Mi palabranan, i nan a sigui tras di otro diosnan pa sirbi nan. E kas di Israel i e kas di Juda a kibra Mi aliansa ku Mi a sera ku nan tatanan."

¹¹Pesei, asina SENOR ta bisa: "Mira, Mi ta bai trese desaster riba nan, for di kual nan no por skapa. Maske nan sklama na Mi, lo Mi no skucha nan.

¹²Anto e statnan di Juda i e habitantenan di Jerusalem lo bai sklama na e diosnan, na kendenan nan ta kima sensia, ma siguramente eseinan lo no salba nan den tempu di nan desaster.

¹³Pasobra boso diosnan ta mes tantu ku boso statnan, O Juda; i e altarnan ku boso a lanta pa e kos bergonsoso, e altarnan pa kima sensia na Baal, ta mes tantu ku e kayanan di Jerusalem.

¹⁴"Pesei, no pidi pa e pueblo aki, ni sklama ni hasi orashon pa nan, pasobra lo Mi no skucha ora nan sklama na Mi pa motibu di nan desaster.

¹⁵"Ki derecho Mi stima tin den Mi kas, ya ku el a hasi tantu echo di maldat? E karni santifika por skapabo di bo desaster, di manera ku bo por regosiha?"

¹⁶SENOR a yama bo nomber: "Un palu di oleifi berde, ku bunita fruta i forma"; ku zonidu di un tumulto grandi El a send'e na kandela, i su ramanan no bal nada.

¹⁷I e SENOR di ehersitonan, Kende a plantabo, a pronunsia desaster kontra bo pa motibu di e maldat di e kas di Israel i di e kas di Juda, kual nan a hasi pa probokaMi dor di ofrese sakrifisionan na Baal.

¹⁸Ademas, SENOR a ponemi na haltura, i mi a hana sa esei; anto Bo a mustrami nan echonan.

¹⁹Ma mi tabata manera un lamchi mansu ku ta wordu hiba pa mata; i mi no tabata sa ku nan a traha komplot kontra mi, bisando: "Laga nos destrui e palu huntu ku su fruta, i laga nos kort'e kita for di tera di e bibunan, pa su nomber no wordu rekorda mas."

²⁰Ma, O SENOR di ehersitonan, Kende ta huzga ku hustisia, i ta skudrina e sintimentunan i e kurason, lagami mira Bo vengansa riba nan, pasobra ta na Bo mi a entrega mi kaso.

²¹Pesei, asina SENOR ta bisa tokante di e hendenan di Anatot, kendenan ta buskabo pa mata, bisando: "No profetisa den e nomber di SENOR, pa bo no muri na nos man."

²²Pesei, asina e SENOR di ehersitonan ta bisa: "Mira, Mi ta bai kastiga nan! E hobennan lo muri pa medio di spada; nan yu hombernan i yu muhenan lo muri di hamber.

²³I lo no keda ni un restante di nan, pasobra lo Mi trese desaster riba e hendenan di Anatot, den e ana di nan kastigu."