Read Papantla Totonac Jeremias 34 Bible Online

Jeremias 34 - Papantla Totonac bible

Jeremias 34

¹Mientras ku rei Nabukodonosor di Babilonia i henter su ehersito, huntu ku tur e reinonan di tera ku tabata bou di su dominio, i tur e pueblonan, tabata bringa kontra Jerusalem i kontra tur su statnan, e palabra di SENOR a yega na Jeremias, bisando:

²"Asina SENOR, e Dios di Israel, ta bisa: 'Bai papia ku Sedekias, rei di Juda, i bis'e: "Asina SENOR ta bisa: 'Mira, Mi ta bai entrega e stat aki den man di rei di Babilonia i e lo kim'e ku kandela.

³I abo lo no skapa for di su man, pasobra nan lo kapturabo sigur i entregabo den su man; i lo bo mira rei di Babilonia ku bo mes wowo, i e lo papia ku bo kara-kara, i lo bo bai Babilonia.'"'

⁴"Tog, skucha e palabra di SENOR, O Sedekias, rei di Juda! Asina SENOR ta bisa tokante di bo: 'Lo bo no muri pa medio di spada.

⁵Lo bo muri na pas; i meskos ku nan a kima speserei na onor di bo tatanan, e reinan di antes ku tabata prome ku bo, asina nan lo kima speserei pa bo; i nan lo lamenta pa bo, bisando: "Ai senor!"' Pasobra ta Ami a papia e palabra," SENOR ta deklara.

⁶E ora ei profeta Jeremias a papia tur e palabranan aki ku Sedekias, rei di Juda, na Jerusalem,

⁷tempu ku e ehersito di rei di Babilonia tabata bringa kontra Jerusalem i kontra tur e statnan di Juda ku a keda, esta, Lakis i Azeka, pasobra nan so a keda komo statnan fortifika entre e statnan di Juda.

⁸E palabra di SENOR ku a yega na Jeremias, despues ku rei Sedekias a sera un aliansa ku henter e pueblo ku tabata na Jerusalem, pa proklama libertat pa nan:

⁹ku kada hende mester duna su sirbido homber i kada hende su sirbido muhe su libertat, un homber hebreo of un muhe hebreo, pa asina ningun hende no tene su ruman hudiu komo esklabu.

¹⁰I tur e ofisialnan i henter e pueblo ku a bai di akuerdo ku e aliansa, pa kada hende duna su sirbidonan nan libertat, sea homber of muhe, pa ningun hende no tene nan mas komo esklabu, a obedese; nan a obedese i a duna nan nan libertat.

¹¹Ma despues nan a kambia di idea i a bolbe tuma e sirbidonan homber i e sirbidonan muhe ku nan a duna libertat, i a hasi nan somete atrobe komo sirbidonan homber i sirbidonan muhe.

¹²Anto e palabra di SENOR a yega na Jeremias for di SENOR, bisando:

¹³"Asina SENOR, e Dios di Israel, ta bisa: 'Mi a sera un aliansa ku boso antepasadonan tempu ku Mi a saka nan for di tera di Egipto, for di e kas di sklabitut, bisando:

¹⁴"Na fin di shete ana kada un di boso mester duna libertat na su ruman hebreo ku a wordu bendi ku bo i ku a sirbibo seis ana; bo mester dun'e su libertat; ma boso antepasadonan no a obedeseMi, ni a inklina nan orea na Mi.

¹⁵Ounke ku resientemente boso a repent! i a hasi loke ta korekto den Mi bista, i tur hende a anunsia libertat na su prohimo, i boso a sera un aliansa Mi dilanti den e kas ku ta wordu yama na Mi nomber.

¹⁶Tog boso a bira bek i a profana Mi nomber, i kada hende a bolbe tuma su sirbido homber i kada hende su sirbido muhe, kendenan boso a duna libertat segun nan deseo, i boso a hasi nan somete pa atrobe nan bira boso sirbidonan homber i sirbidonan muhe."'

¹⁷"Pesei, asina SENOR ta bisa: 'Boso no a obedeseMi; boso no a proklama libertat, kada un na su ruman i kada un na su prohimo. Mira, Mi ta proklama libertat na boso,' SENOR ta deklara, 'libertat pa kai pa medio di spada, pest i hamber; i lo Mi hasi boso un teror pa tur reino di tera.

¹⁸I lo Mi entrega e hombernan ku a transgresa Mi aliansa, ku no a kumpli ku e palabranan di e aliansa ku nan a sera Mi dilanti, tempu ku nan a korta e bishe partie na dos i a pasa meimei di e partinan--

¹⁹e ofisialnan di Juda, e ofisialnan di Jerusalem, e ofisialnan di korte, e saserdotenan, i tur hende di e tera ku a pasa meimei di e partinan di e bishe--

²⁰lo Mi entrega nan den man di nan enemigunan i den man di esnan ku ta buska nan pa mata. I nan kadavernan lo ta kuminda pa parha di shelu i bestia di tera.

²¹'I lo Mi entrega Sedekias, rei di Juda, i su ofisialnan den man di nan enemigunan, den man di esnan ku ta buska nan pa mata i den man di e ehersito di rei di Babilonia, kende a bai laga boso.

²²Mira, Mi ta bai duna ordu,' SENOR ta deklara, 'i lo Mi trese nan bek na e stat aki. Nan lo bringa kontra dje, konkist'e i kim'e ku kandela; i lo Mi hasi e statnan di Juda un desolashon, sin habitante.'"