Read Papantla Totonac Jeremias 47 Bible Online

Jeremias 47 - Papantla Totonac bible

Jeremias 47

¹Loke a yega na profeta Jeremias komo e palabra di SENOR tokante di e filisteonan, prome ku Farao a konkista Gaza.

²Asina SENOR ta bisa: "Mira, for di nort awanan lo subi bira un riu ku ta basha ofer, i ku ta inunda e tera i henter su plenitut, e stat i esnan ku ta biba den dje. I e hendenan lo grita yora, i tur habitante di e tera lo lamenta

³pa motibu di e zonidu di huf di su kabainan, e tumulto di su garoshinan i e boroto di su wilnan. E tatanan ni sikiera a drai wak pa buska drechi di nan yunan, pa kousa di e debilidat di nan mannan,

⁴pa kousa di e dia ku ta bin pa destrui tur e filisteonan, pa kita for di Tiro i Sidon tur aliado ku a keda; pasobra SENOR ta bai destrui e filisteonan, e restante di e teranan na kosta di Kaftor.

⁵Gaza a keda pelon; Askalon a wordu ruina. O restante di nan vaye, kuantu tempu mas lo bo sigui korta bo kurpa ku kuchu?

⁶"Ai, spada di SENOR, kuantu tempu mas lo dura prome ku bo para ketu? Bai bek den bo balina, sosega i para ketu.

⁷Kon esei por para ketu, si SENOR a dun'e un ordu? Kontra Askalon i kontra e kosta di laman, ta einan El a mand'e."