Read Papantla Totonac Jeremias 48 Bible Online

Jeremias 48 - Papantla Totonac bible

Jeremias 48

¹Tokante di Moab. Asina e SENOR di ehersitonan, e Dios di Israel, ta bisa: "Ai di Nebo, pasobra el a wordu destrui; Kiriataim a wordu brongosa, el a wordu kaptura; e fortalesa arogante a wordu brongosa i a desmaya.

²No tin alabansa mas pa Moab; na Hesbon nan a plania kalamidat kontra dje: 'Laga nos ban kaba kune komo nashon!' Abo tambe, Madmena, lo wordu silensia; spada lo persiguibo.

³Zonidu di un gritu for di Horonaim: 'Ruina i gran destrukshon!'

⁴Moab ta kibra, su chikitunan a dal un gritu di angustia.

⁵Pasobra na subida di Luhit nan lo subi, ketu bai na yoramentu; pasobra na bahada di Horonaim nan a tende un gritu di angustia.

⁶Hui, salba boso bida, pa boso por ta manera mata di beishi den desierto.

⁷Pasobra pa motibu di bo konfiansa den bo mes logronan i den bo tesoronan, abo tambe lo wordu kaptura; i Kemos lo bai den eksilio huntu ku su saserdotenan i su prensnan.

⁸I un destruido lo bin na kada stat, asina ku ningun stat lo no skapa. E vaye tambe lo wordu ruina; i e sabana lo wordu destrui, manera SENOR a bisa.

⁹Duna Moab hala, pasobra e lo hui bai; i su statnan lo bira un desolashon, sin habitante den nan.

¹⁰"Maldishona ta esun ku ta hasi e trabou di SENOR kon ku ta, i maldishona ta esun ku ta apstene su spada di sanger.

¹¹"For di su hubentut Moab tabata trankil di dje, manera bina ku su kachikachi a keda aden, ku no a wordu basha di un tinashi pa otro; tampoko e no a bai den eksilio. Pesei el a mantene su sabor, i su aroma no a kambia.

¹²Pesei, ata, e dianan ta bin," SENOR ta deklara, "ku lo Mi manda p'e esnan ku ta bolter tinashi, i nan lo bolter e i nan lo hasi su tinashinan bashi i kibra su butishinan.

¹³I Moab lo keda na berguensa pa motibu di Kemos, manera e kas di Israel a keda na berguensa pa motibu di Bet-el, nan konfiansa.

¹⁴"Kon boso por bisa: 'Nos ta guereronan poderoso, i hombernan balente di guera'?

¹⁵Moab a wordu destrui, i hende a subi bai na su statnan; su hobennan skohi tambe a baha bai na matansa," e Rei, Kende su nomber ta e SENOR di ehersitonan, ta deklara.

¹⁶E desaster di Moab ta bin pronto, i su kalamidat a pura bin masha lihe.

¹⁷Tene rou p'e, boso tur ku ta biba ront di dje, boso tur ku konose su nomber; bisa: 'Mira kon e septer poderoso a wordu kibra, un garoti di splendor!'

¹⁸"Baha for di bo gloria i sinta riba e tera ku a sker, O habitante di Dibon. Pasobra e destruido di Moab a subi bin kontra bo; el a destrui bo luganan fortifika.

¹⁹Para na kaminda i tene warda, O habitante di Aroer; puntra esun ku hui i esun ku skapa, i bisa: 'Kiko a pasa?'

²⁰Moab a keda na berguensa, pasobra el a wordu destrosa. Lamenta i grita yora; anunsia na Arnon ku Moab a wordu destrui.

²¹Huisio tambe a bin riba e sabana, riba Holon, Jahaza, i kontra Mefaat,

²²kontra Dibon, Nebo i Bet-diblataim,

²³kontra Kiriataim, Bet-gamul i Bet-meon,

²⁴kontra Keriot, Bosra, i tur e statnan di tera di Moab, leu i serka.

²⁵E kachu di Moab a wordu korta afo, i su brasa a wordu kibra," SENOR ta deklara.

²⁶"Hasie burachi, pasobra el a bira arogante pa ku SENOR; asina Moab lo lora abou den loke el a saka, i tambe e lo bira un kos di hari.

²⁷Awor, Israel no tabata kos di hari pa bo? Of el a wordu atrapa meimei di ladron? Pasobra ki ora ku bo papia di dje, bo ta sakudi bo kabes i ta hasi bofon.

²⁸Bandona e statnan i biba meimei di e barankanan, O habitantenan di Moab, i sea manera un palomba ku ta traha su neishi den boka di kueba.

²⁹"Nos a tende di e orguyo di Moab-- e ta masha orguyoso-- di su soberbia, su orguyo, su arogansia i su pechu haltu.

³⁰Mi konose su furia," SENOR ta deklara, "ma esei no tin ningun efekto; su gabamentu no ta sirbie di nada.

³¹Pesei lo Mi yora pa Moab, pa henter Moab lo Mi grita yora; lo Mi tin pena di e hombernan di Kir-hares.

³²Mas ku e yoramentu pa Jazer lo Mi yora pa bo, O mata di wendruif di Sibma! Bo ramanan a yega te na laman, nan a yega te na laman di Jazer; e destruido a baha riba bo frutanan di zomer i riba bo kosecha di wendruif.

³³Asina alegria i goso a wordu kita for di e kunuku fruktifero, for di tera di Moab. I Mi a hasi e bina stop di basha for di e baki-di-pers-wendruif; ningun hende lo trapa nan ku gritamentu, e gritamentu lo no ta gritunan di alegria.

³⁴"For di e sklamashon di Hesbon te na Eleale i te na Jahaza nan a lanta nan bos, for di Zoar te na Horonaim i Eglat-selisia; pasobra te asta e awanan di Nimrim lo keda desola.

³⁵I lo Mi pone un fin na Moab," SENOR ta deklara, "na esun ku ta ofrese sakrifisio riba e luga haltu, i na esun ku ta kima sensia na su diosnan.

³⁶Pesei Mi kurason ta lamenta manera fluit pa Moab; tambe Mi kurason ta lamenta manera fluit pa e hombernan di Kir-hares. Pesei nan a perde e abundansia ku e tabata produsi.

³⁷Pasobra tur kabes ta pelon i tur barba korta chikitu; tin korta di kuchu na tur man i pana-di-saku na tur hep.

³⁸Riba tur dak di kas na Moab i den su kayanan tin lamentashon tur kaminda, pasobra Mi a kibra Moab manera un butishi ku no ta sirbi," SENOR ta deklara.

³⁹"Mira kon destrosa e ta! Kon nan a yora! Kon Moab a bira su lomba--el a keda brongosa! Asina Moab lo bira un kos di hari i un opheto di teror pa tur ku ta ront di dje."

⁴⁰Pasobra asina SENOR ta bisa: "Mira, un lo bula lihe manera aguila, i habri su halanan kontra Moab.

⁴¹Keriot a wordu kaptura, i e luganan fortifika a wordu konkista; asina kurason di e hombernan poderoso di Moab lo ta riba e dia ei, manera kurason di un muhe na ora di parto.

⁴²I Moab lo wordu destrui komo nashon, pasobra el a bira arogante pa ku SENOR.

⁴³Teror, buraku i trampa ta bin pa bo, O habitante di Moab," SENOR ta deklara.

⁴⁴"Esun ku hui pa teror lo kai den buraku, i esun ku sali for di buraku lo wordu kohl den trampa; pasobra lo Mi trese riba dje, riba Moab, e ana di nan kastigu," SENOR ta deklara.

⁴⁵"Den sombra di Hesbon e fugitivonan ta para sin forsa; pasobra un kandela a sali for di Hesbon i un flam for di meimei di Sehon, i esei a devora e frenta di Moab i e kalpachi di e yunan di desordu.

⁴⁶Ai di bo, Moab! E pueblo di Kemos a perese; pasobra bo yu hombernan a wordu hiba komo katibu, i bo yu muhenan den koutiverio.

⁴⁷"Ma lo Mi trese esnan di Moab, ku ta den koutiverio, bek den e ultimo dianan," SENOR ta deklara. Aki e huisio di Moab a termina.