Read Papantla Totonac Jeremias 6 Bible Online

Jeremias 6 - Papantla Totonac bible

Jeremias 6

¹"Hui for di meimei di Jerusalem, pa boso skapa, O yunan di Benjamin! Supla trompet awor na Tekoa i lanta un senal riba Bet-hakerem; pasobra maldat i un gran destrukshon ta menasa for di nort.

²Lo mi kaba ku e yu muhe di Sion, esun asina bunita i delikado.

³Wardadonan ku nan tounan di karne lo bin kontra dje, nan lo lanta nan tentnan ront di dje, i kada un lo tin un luga pa su tou kome.

⁴"Prepara pa hasi guera kontra dje; lanta, ban ataka na ora di merdia. Ai di nos, pasobra dia ta pasa, sombra di atardi ta bira mas largu!

⁵Lanta, ban ataka den anochi i destrui su palasionan!"

⁶Pasobra asina e SENOR di ehersitonan ta bisa: "Kap su palunan bash'abou, i lanta baluarte kontra Jerusalem. Esaki ta e stat ku mester wordu kastiga, pasobra ta opreshon so tin den dje.

⁷Manera un pos ta tene su awa fresku, asina Jerusalem ta tene su maldat fresku. Violensia i destrukshon ta resona den dje; malesa i herida ta semper Mi dilanti.

⁸Sea spierta, O Jerusalem, pa Mi no aparta Mi mes for di bo, pa Mi no hasibo un desolashon, un tera sin habitante."

⁹Asina e SENOR di ehersitonan ta bisa: "Manera ta piki fruta ku a resta na mata di wendruif, i laga esaki keda limpi-limpi, asina nan lo buska e restante di Israel; pasa bo man den e ramanan atrobe, manera un hende ku ta piki wendruif."

¹⁰Ku ken lo Mi papia i duna spiertamentu, pa nan tende? Ata, nan orea ta insirkumsida, i nan no por tende. Ata, e palabra di SENOR a bira un reproche pa nan; nan no tin delisia den dje.

¹¹Ma mi ta yen di e furia di SENOR; mi no por want'e aden mas. "Bash'e riba e muchanan ku ta riba kaya, i riba e reunion di hobennan; pasobra tantu esposo komo esposa lo wordu kohl prezo, e ansiano i esun hopi bieu.

¹²I nan kasnan lo bira di otro hende, huntu ku nan kunukunan i nan esposanan; pasobra lo Mi saka Mi man kontra e habitantenan di e tera," SENOR ta deklara.

¹³"Pasobra for di esnan di mas chikitu te na esnan di mas grandi, tur ta golos pa ganashi; i for di profeta te saserdote, tur ta ganado.

¹⁴Nan a gana kura e herida di Mi pueblo, bisando: 'Pas, pas,' ma no tin pas.

¹⁵Nan tabatin berguensa di e abominashon ku nan a hasi? Nan no tabatin ni un tiki berguensa; nan no tabata ni sa mes kon pa tin ripara. Pesei nan lo kai huntu ku esnan ku ta kai; na e tempu ku Mi kastiga nan, nan lo wordu benta abou," SENOR ta bisa.

¹⁶Asina SENOR ta bisa: "Para na e kamindanan i mira, i puntra pa e berehanan antiguo, unda e bon kaminda ta, i kana den dje; i boso lo hana deskanso pa boso alma. Ma nan a bisa: 'Nos no kier kana den dje!'

¹⁷I Mi a pone guardia riba boso, bisando: 'Skucha e zonidu di trompet!' Ma nan a bisa: 'Nos no kier skucha.'

¹⁸Pesei tende, O nashonnan, i komprende, O kongregashon, kiko lo bai sosode ku nan.

¹⁹Tende, O tera! Ata, Mi ta bai trese desaster riba e pueblo aki, e fruta di nan plannan, pasobra nan no a skucha Mi palabranan, i tambe nan a rechasa Mi lei.

²⁰Ku ki proposito sensia ta bin pa Mi for di Seba, i kana dushi for di un tera leu? Boso ofrendanan kima no ta aseptabel, i boso sakrifisionan no ta agradaMi."

²¹Pesei, asina SENOR ta bisa: "Mira, lo Mi pone piedranan-di-trompeka dilanti di e pueblo aki. I nan lo trompeka riba nan, tatanan i yu hombernan huntu; bisina i amigu lo perese."

²²Asina SENOR ta bisa: "Ata, un pueblo ta bin for di e tera di nort, i un gran nashon lo wordu spierta for di partinan leu di mundu.

²³Nan ta kohe bog i spada; nan ta kruel i sin miserikordia. Nan bos ta ronka manera laman, i nan ta kore riba kabai, bisti manera un homber prepara pa bataya kontra bo, O yu muhe di Sion!"

²⁴Nos a hana e notisia; nos mannan ta slap. Angustia a gara nos, dolo manera di un muhe na ora di parto.

²⁵No sali bai den kunuku i no kana riba kaminda, pasobra e enemigu tin spada; tin teror tur kaminda.

²⁶O yu muhe di Mi pueblo, bisti pana-di-saku i lora abou den shinishi. Tene rou manera pa un uniko yu, un lamentashon hopi amargo. Pasobra direpiente e destruido lo bin riba nos.

²⁷"Mi a hasibo un saminado i un analisado entre Mi pueblo, asina ku bo por konose i samina nan kaminda."

²⁸Nan tur ta hende masha-masha rebelde, ku ta kana ront manera hasido di redu. Nan ta brons i heru; nan ta korumpi, nan tur!

²⁹E blaasbalgnan ta supla fuerte; kandela ta dirti chumbu; en bano nan ta sigui refina, ma e malbadonan no por wordu separa.

³⁰Nan ta wordu yama plata rechasa, pasobra SENOR a rechasa nan.