Read Papantla Totonac Jeremias 8 Bible Online

Jeremias 8 - Papantla Totonac bible

Jeremias 8

¹"Na e tempu ei," SENOR ta deklara, "nan lo saka wesu di e reinan di Juda, wesu di su prensnan, wesu di e saserdotenan, wesu di e profetanan i wesu di e habitantenan di Jerusalem, for di nan graf.

²I nan lo plama nan dilanti di solo i luna i dilanti di henter e ehersito di shelu ku nan tabata stima i sirbi, ku nan tabata sigui tras di dje i ku nan tabata buska i adora. E wesunan lo no wordu rekohi ni dera; nan lo ta manera mest riba superfisio di tera.

³Henter e restante di e generashon malbado aki, ku ta keda den tur e luganan kaminda ku Mi a obliga nan pa bai, lo skohe morto na luga di bida," e SENOR di ehersitonan ta deklara.

⁴"I lo bo bisa nan: 'Asina SENOR ta bisa: "Hende sa kai sin bolbe lanta? Of desvia sin repenti?

⁵Pakiko anto e pueblo aki di Jerusalem ta ketu bai den apostasia? Nan ta tene duru na engano; nan ta nenga di bolbe.

⁶Mi a tende i a skucha, ma nan a papia loke no ta korekto; ningun hende no a repenti di su maldat, bisando: 'Kiko mi a hasi?' Kada un a kohe su mes rumbo, manera un kabai ku ta kore enfrenta bataya.

⁷Asta oyevar ku ta bula na shelu konose su temporadanan, i tortelduif i souchi sa ki tempu nan mester bin; ma Mi pueblo no konose e ordenansa di SENOR.

⁸"Kon boso por bisa: 'Nos ta sabi, i e lei di SENOR ta ku nos'? Ma ata, e pen enganoso di e eskribanan a hasi esaki bira mentira.

⁹E sabinan ta wordu brongosa; nan ta keda desmaya i kohl den trampa; ata, nan a rechasa e palabra di SENOR; anto ki sorto di sabiduria nan tin?

¹⁰Pesei lo Mi duna nan esposa na otro homber, nan kunukunan na otro dono; pasobra for di esun di mas chikitu te na esun di mas grandi, tur ta golos pa ganashi; for di profeta te saserdote, tur ta praktika engano.

¹¹I nan ta gana kura herida di e yu muhe di Mi pueblo, bisando: 'Pas, pas,' ma no tin pas.

¹²Nan tabatin berguensa pa motibu di e abominashon ku nan a hasi? Por sierto nan no tabatin berguensa, nan no tabata sa kon pa tin ripara; pesei nan lo kai huntu ku esnan ku ta kai; na e tempu di nan kastigu nan lo wordu benta abou," SENOR ta deklara.

¹³"Siguramente lo Mi kohe nan bai kune," SENOR ta deklara; "lo no tin wendruif na mata di wendruif, lo no tin figo na palu di figo, i e blachinan lo seka; i loke Mi a duna nan lo pasa nan forbei.

¹⁴Pakiko nos ta sinta pornada? Boso reuni, i laga nos drenta e statnan fortifika, i laga nos muri ayanan; pasobra SENOR nos Dios a destina nos pa perese, i a duna nos awa venena pa bebe, pasobra nos a peka kontra SENOR.

¹⁵Nos tabata spera pas, ma no a bin nada bon; un tempu pa kura, ma ata, teror!

¹⁶For di Dan por tende e snuifmentu di su kabainan; ora ku e kabainan ta relincha henter tera ta sakudi; pasobra nan ta bin devora e tera i su plenitut, e stat i su habitantenan.

¹⁷"Pasobra, mira, Mi ta manda kolebra kontra boso, kolebra venenoso ku enkantado no por domina, i nan lo morde boso," SENOR ta deklara.

¹⁸No tin remedi pa mi tristesa; mi kurason ta kibra den mi.

¹⁹Skucha e gritu di e yu muhe di mi pueblo for di un tera leu: "SENOR no ta na Sion? Su Rei no ta den dje?" "Pakiko nan a probokaMi ku nan imagennan graba, ku ldolonan stranhero?"

²⁰"Kosecha a pasa, zomer a yega na su fin, i nos no ta salba."

²¹Pa motibu di e kiebra di e yu muhe di mi pueblo, ami ta kibra; mi ta lamenta; spantu a podera di mi.

²²No tin unguente na Galaad? No tin dokter einan? Pakiko anto salu di e yu muhe di mi pueblo no a wordu restora?