Read Papantla Totonac Lamentashonnan 5 Bible Online

Lamentashonnan 5 - Papantla Totonac bible

Lamentashonnan 5

¹Korda, O SENOR, loke a sosode ku nos; wak, i mira nos reproche!

²Nos erensia a wordu pasa pa stranheronan, nos kasnan pa deskonosinan.

³Nos a bira werfano sin tata, nos mamanan ta manera biuda.

⁴Nos tin ku paga pa nos awa di bebe, nos tin ku paga pa nos mes palu.

⁵Nos persiguidonan ta riba nos nek; nos ta morto kansa, no tin sosiegu pa nos.

⁶Nos a somete nos mes na Egipto i Asiria, pa hana sufisiente pan.

⁷Nos tatanan a peka i no ta eksisti mas; ta nos a karga nan inikidatnan.

⁸Esklabu ta manda riba nos; no tin ningun hende pa libra nos for di nan man.

⁹Ku riesgo pa nos bida nos ta hana nos pan, pa motibu di spada den desierto.

¹⁰Nos kueru a bira mes kayente ku fornu, pa motibu di keintura di hamber.

¹¹Nan a viola e muhenan di Sion, e birgennan di e statnan di Juda.

¹²Prensnan a wordu kologa na nan mannan; ansianonan no a wordu respeta.

¹³Hobennan a sofoka nan kurpa na mulina; i mucha hombernan yon a trompeka bou di karganan di palu.

¹⁴Bo no ta mira ansianonan mas na e porta di stat, i hobennan a stop di toka muzik.

¹⁵No tin goso mas den nos kurason; nos baliamentu a wordu kambia den rou.

¹⁶E korona a kai for di nos kabes; ai di nos, pasobra nos a peka!

¹⁷Pa motibu di esaki nos kurason ta desmaya; pa motibu di e kosnan aki nos wowonan ta bira skur;

¹⁸pa motibu ku Seru Sion ta keda desola, zoro ta kore tur kaminda riba dje.

¹⁹Abo, O SENOR, ta reina pa semper; Bo trono ta di generashon pa generashon.

²⁰Pakiko Bo ta lubida nos pa semper; pakiko Bo ta bandona nos pa un tempu asina largu?

²¹Hasi nos bolbe serka Bo, O SENOR, i nos lo bolbe; renoba nos dianan manera e dianan di prome aya,

²²a menos ku Bo a rechasa nos kompletamente i ta sumamente rabia ku nos.