Read Papantla Totonac Ezekiel 12 Bible Online

Ezekiel 12 - Papantla Totonac bible

Ezekiel 12

¹E ora ei e palabra di SENOR a yega na mi, bisando:

²"Yu di hende, bo ta biba meimei di un kas rebelde ku tin wowo pa mira, ma no ta mira, i orea pa tende, ma no ta tende, pasobra nan ta un kas rebelde.

³"Pesei, yu di hende, prepara ekipahe pa bo bai den eksilio, i dilanti di nan bista sali bai den eksilio di dia kla; i dilanti di nan bista sali for di bo luga di biba bai den eksilio na un otro luga. Kisas nan lo komprende, ounke nan ta un kas rebelde.

⁴I saka bo ekipahe di dia kla, dilanti di nan bista, komo ekipahe pa bai den eksilio. Anto sali anochi dilanti di nan bista, meskos ku esnan ku ta bai den eksilio.

⁵Koba un buraku den e muraya dilanti di nan bista i sali dor di dje.

⁶Hisa e ekipahe pone riba bo skouder dilanti di nan bista i kargu'e bai kune den skuridat. Tapa bo kara, asina ku bo no por mira e tera, pasobra Mi a hasibo un senal pa e kas di Israel."

⁷I mi a hasi manera mi a wordu ordena. Di dia mi a saka mi ekipahe komo ekipahe di un eksiliado, anto anochi mi a koba un buraku den e muraya ku mi man. Mi a sali den skuridat, i mi a karga e ekipahe riba mi skouder dilanti di nan bista.

⁸I mainta e palabra di SENOR a yega na mi, bisando:

⁹"Yu di hende, e kas di Israel, e kas rebelde, no a puntrabo: 'Kiko bo ta hasi?'

¹⁰"Bisa nan: 'Asina Senor DIOS ta bisa: "E profesia aki ta refer! tantu na e prens den Jerusalem komo na henter e kas di Israel ku ta ayanan."'

¹¹Bisa nan: 'Ami ta un senal pa boso. 'Meskos ku mi a hasi, asina lo wordu hasi ku nan. Nan lo bai den eksilio, den koutiverio'.

¹²"I e prens ku ta meimei di nan lo hisa su ekipahe pone riba su skouder den skuridat i sali bai. Nan lo koba un buraku den e muraya pa lagu'e pasa dor di dje. E lo tapa su kara, asina ku e no por mira e tera ku su wowo.

¹³Tambe lo Mi habri Mi reda riba dje, i e lo wordu kohl den Mi trampa. Lo Mi hib'e Babilonia na e tera di e kaldeonan; tog e lo no mira esaki, apesar ku e lo muri ayanan.

¹⁴I tur esnan ku ta ront di dje, su yudadonan i tur su trupanan, lo Mi plama den tur direkshon di bientu; i lo Mi saka spada persigui nan kune.

¹⁵"Asina nan lo sa ku Ami ta SENOR, dia ku Mi plama nan meimei di e nashonnan i Mi benta nan p'aki p'aya meimei di e paisnan.

¹⁶Ma lo Mi spar algun di nan for di spada, hamber i pest, pa den e nashonnan kaminda nan ta bai nan por konta di tur nan abominashonnan, i sabi ku Ami ta SENOR."

¹⁷Ademas, e palabra di SENOR a yega na mi, bisando:

¹⁸"Yu di hende, kome bo pan ku temblamentu i bebe bo awa ku ansha i ku spantu.

¹⁹Anto bisa e pueblo di e tera: 'Asina Senor DIOS ta bisa tokante di e habitantenan di Jerusalem na tera di Israel: "Nan lo kome nan pan ku ansha i bebe nan awa ku spantu, pasobra nan tera su plenitut lo wordu kita for di dje pa motibu di e violensia di tur esnan ku ta biba den dje.

²⁰E statnan habita lo keda ruina i e tera lo ta un desolashon. Asina boso lo sa ku Ami ta SENOR.

²¹E ora ei e palabra di SENOR a yega na mi, bisando:

²²"Yu di hende, kiko e proverbio aki ta ku boso tin tokante di tera di Israel, ku ta bisa: 'Dianan ta pasa i tur vishon ta faya'?

²³Pesei, bisa nan: 'Asina Senor DIOS ta bisa: "Mi ta bai pone un fin na e proverbio aki, di manera ku nan lo no uz'e mas komo un proverbio na Israel." Ma bisa nan: "Tantu e dianan komo e kumplimentu di tur vishon ta aserkando.

²⁴Pasobra lo no tin vishon falsu mas, ni adivinashon ku ta labia hende den e kas di Israel.

²⁵Pasobra Ami, SENOR, lo papia, i tur palabra ku Mi papia lo wordu kumpli. Esaki lo no tarda mas, pasobra den boso dianan, O kas rebelde, lo Mi papia e palabra i kumpli kune," Senor DIOS ta deklara.'"

²⁶I e palabra di SENOR a yega na mi, bisando:

²⁷"Yu di hende, mira, e kas di Israel ta bisa: 'E vishon ku e ta mira ta pa aki hopi ana, i e ta profetisa tokante di tempunan leu den futuro.'

²⁸"Pesei, bisa nan: 'Asina Senor DIOS ta bisa: "Ningun di Mi palabranan lo no wordu posponi mas. E palabra ku Mi papia lo wordu kumpli,