Read Papantla Totonac Ezekiel 14 Bible Online

Ezekiel 14 - Papantla Totonac bible

Ezekiel 14

¹Anto algun ansiano di Israel a bin serka mi i a kai sinta mi dilanti.

²I e palabra di SENOR a yega na mi, bisando:

³"Yu di hende, e hombernan aki a pone nan ldolonan den nan kurason i a pone e piedra-di-trompeka di nan inikidat dilanti di nan kara. Anto ainda Mi mester laga nan konsulta ku Mi?

⁴Pesei, papia ku nan i bisa nan: 'Asina Senor DIOS ta bisa: "Kualke hende di e kas di Israel ku pone su ldolonan den su kurason, pone e piedra-di-trompeka di su inikidat dilanti di su kara i despues bin serka e profeta--Ami, SENOR, lo kontesta esun ku bin segun e multitut di su ldolonan,

⁵pa Mi gara e kas di Israel na su kurason, pasobra tur a bandonaMi pa nan ldolonan."'

⁶"Pesei, bisa e kas di Israel: 'Asina Senor DIOS ta bisa: "Repenti i bira for di boso ldolonan i bira boso kara for di tur boso abominashonnan.

⁷"Pasobra kada hende di e kas di Israel of di e imigrantenan ku ta keda na Israel, ku separa su mes for di Mi i pone su ldolonan den su kurason, pone e piedra-di-trompeka di su inikidat dilanti di su kara, i despues bin serka e profeta pa konsulta ku Mi pa su mes, Ami, SENOR, lo kontest'e personalmente.

⁸I lo Mi bira Mi kara kontra e homber ei i hasie un senal i un proverbio. Lo Mi kort'e kit'e for di meimei di Mi pueblo. Asina boso lo sa ku Ami ta SENOR.

⁹"Ma si e profeta wordu persuadi pa papia un palabra, ta Ami, SENOR, a persuadi e profeta ei; i lo Mi saka Mi man kontra dje i destruie for di meimei di Mi pueblo Israel.

¹⁰I nan lo karga e kastigu di nan inikidat; meskos ku e inikidat di esun ku ta konsulta ta, asina e inikidat di e profeta tambe lo ta,

¹¹pa e kas di Israel no desvia mas for di Mi, ni kontamina nan mes mas tampoko ku tur nan transgreshonnan. Asina nan lo ta Mi pueblo, i Ami lo ta nan Dios,"' Senor DIOS ta deklara."

¹²E ora ei e palabra di SENOR a yega na mi, bisando:

¹³"Yu di hende, si un nashon peka kontra Mi dor di transgresa grandemente, i Mi saka Mi man kontra dj e, destrui su provishon di pan, manda hamber riba dje i korta kita tantu hende komo bestia for di dje,

¹⁴maske e tres hombernan aki: Noe, Daniel i Job tabata ayanan, nan lo por a libra solamente nan mes dor di nan hustisia," Senor DIOS ta deklara.

¹⁵"Si Mi mester a hasi bestia feros pasa dor di e tera i nan lagu'e sin poblashon, i e bira asina desola ku ningun hende lo no pasa dor di dje pa motibu di e bestianan,

¹⁶maske e tres hombernan aki tabata ayanan, manera Mi ta biba," Senor DIOS ta deklara, "nan lo no por a libra ni nan yu hombernan ni nan yu muhenan. Nan so lo a keda libra, ma e tera lo a keda desola.

¹⁷"Of si Mi lo a trese spada riba e tera ei i bisa: 'Laga e spada pasa dor di e tera i korta kita hende i bestia for di dje,'

¹⁸manera Mi ta biba," Senor DIOS ta deklara, "maske e tres hombernan aki tabata ayanan, nan lo no por a libra ni nan yu hombernan ni nan yu muhenan, ma nan so lo a keda libra.

¹⁹"Of si Mi lo a manda pest kontra e tera ei i drama Mi furia riba dje pa medio di sanger, pa korta kita hende i bestia for di dje,

²⁰manera Mi ta biba," Senor DIOS ta deklara, "maske Noe, Daniel i Job tabata ayanan, nan lo no por a libra ni nan yu homber ni nan yu muhe. Nan lo por a libra solamente nan mes pa medio di nan hustisia."

²¹Pasobra asina Senor DIOS ta bisa: "Kuantu mas ora Mi manda Mi kuater huisionan severo kontra Jerusalem: spada, hamber, bestia feros i pest, pa korta kita hende i bestia for di dje.

²²Sinembargo, mira, lo keda sobrebibiente den dje ku lo wordu saka afo, tantu yu homber komo yu muhe. Mira, nan lo sali bin serka boso, i boso lo mira nan kondukta i nan echonan. E ora ei boso lo wordu konsola enkuanto e kalamidat ku Mi a trese riba Jerusalem, pa tur loke Mi a trese riba dje.

²³I nan lo konsola boso ora boso mira nan kondukta i nan echonan, i boso lo sa ku no ta sin motibu Mi a hasi tur loke Mi a hasi ayanan," Senor DIOS ta deklara.