Read Papantla Totonac Ezekiel 15 Bible Online

Ezekiel 15 - Papantla Totonac bible

Ezekiel 15

¹I e palabra di SENOR a yega na mi, bisando:

²"Yu di hende, kon palu ku ta bin for di mata di wendruif por ta miho ku esun ku ta bin for di rama di kualke palu di mondi?

³Por kohe palu for di dje anto pa traha un kos kune, of por traha staka kune pa kologa kos na dje?

⁴Si e wordu tira den kandela komo kombustibel i kandela kima tur su dos puntanan kaba nan na nada, i e parti meimei kima bira karbon, e ta sirbi pa algu ainda?

⁵Mira, mientras ku e tabata intakto ainda, no por a traha nada kune. Kuantu menos ora ku e kandela a kaba kune i el a bira karbon, por traha algu kune ainda?

⁶"Pesei, asina Senor DIOS ta bisa: 'Meskos ku Mi a entrega e palu di mata di wendruif for di entre e palunan di mondi na kandela komo kombustibel, asina Mi a entrega e habitantenan di Jerusalem;

⁷i Mi a bira Mi kara kontra nan. Maske nan a sali for di kandela, tog kandela lo kaba ku nan. E ora ei boso lo sa ku Ami ta SENOR, ora Mi pone Mi kara kontra nan.

⁸Asina lo Mi hasi e tera keda desola, pasobra nan a komete transgreshon,'" Senor DIOS ta deklara.