Read Papantla Totonac Ezekiel 19 Bible Online

Ezekiel 19 - Papantla Totonac bible

Ezekiel 19

¹"I pa loke t'abo, inisia un lamentashon tokante di e prensnan di Israel,

²i bisa: 'Kiko bo mama tabata? Un leon muhe meimei di leonnan! El a kai drumi meimei di leonnan yon, el a kuida su chikitunan.

³El a kria un di su chikitunan; esei a bira un leon, i el a sina habraka su proi; el a devora hende.

⁴E nashonnan a tende di dje; el a wordu kohl den nan trampa, i na kadena nan a hib'e tera di Egipto.

⁵'Ora ku e leon muhe a mira ku el a warda hopi tempu, ku su speransa a bai perdi, el a kohe un otro di su chikitunan i a hasie un leon fuerte.

⁶Esei a kana ront meimei di e leonnan; el a bira un leon fuerte. El a sina habraka su proi; el a devora hende.

⁷El a destrui nan fortalesanan i a laga nan statnan keda ruina; i e tera i tur su plenitut a keda tur babuka pa motibu di e zonidu di su grunamentu.

⁸E ora ei e nashonnan a lanta kontra dje na tur banda, for di nan provinsianan, i nan a habri nan reda riba dje; el a wordu kohl den nan trampa.

⁹Na kadena nan a hink'e den un houla i a hib'e serka rei di Babilonia; nan a ser'e den forti pa su bos no wordu tend! mas riba e serunan di Israel.

¹⁰'Bo mama tabata manera un mata di wendruif den bo kunuku di wendruif, planta kantu di awa; e tabata karga fruta i tabata yen di rama pa motibu di awa na abundansia.

¹¹I e tabatin ramanan fuerte pa bira septer di gobernantenan, i su haltura a pasa e nubianan, asina ku por a mir'e pa motibu di su haltura i e kantidat di su ramanan.

¹²Ma ku furia el a wordu ranka, benta abou na suela; i bientu di pariba a seka su fruta. Su rama fuerte a wordu ranka kita afo, asina ku el a seka; kandela a devor'e.

¹³Awor e ta planta den desierto, na un tera di sekura i set.

¹⁴I kandela a sali for di su rama; esei a kaba ku su spreitnan i su fruta, asina ku no a keda ni un rama fuerte na dje-- un septer pa goberna.'" Esaki ta un lamentashon i a bira un lamentashon.