Read Papantla Totonac Ezekiel 2 Bible Online

Ezekiel 2 - Papantla Totonac bible

Ezekiel 2

¹E ora ei El a bisami: "Yu di hende, lanta para riba bo pia pa Mi papia ku bo!"

²I ora ku E tabata papia ku mi, e Spiritu a drenta den mi i a ponemi para riba mi pia; i mi a tend'E ta papia ku mi.

³I El a bisami: "Yu di hende, Mi ta mandabo serka e yunan di Israel, serka un pueblo rebelde ku a rebeldia kontra Mi. Nan i nan tatanan a transgresa kontra Mi te dia djawe.

⁴Mi ta mandabo serka e yunan ku ta kabesura i soberbe. I lo bo bisa nan: 'Asina Senor DIOS ta bisa.'

⁵Pa loke ta nan, sea ku nan skucha of laga di skucha--pasobra nan ta un kas rebelde--nan lo sa ku tabatin un profeta meimei di nan.

⁶I abo, yu di hende, no tene miedu di nan, ni tene miedu di nan palabranan, maske bo hanabo meimei di kadushi i mata di sumpina i maske bo biba meimei di skorpion; no tene miedu di nan palabranan, ni desmaya den nan presensia, pasobra nan ta un kas rebelde.

⁷Ma abo, bisa nan Mi palabranan, sea ku nan skucha of laga di skucha, pasobra nan ta rebelde.

⁸I abo, yu di hende, skucha loke Mi ta bisabo. No sea rebelde manera e kas rebelde ei. Habri bo boka i kome loke Mi dunabo."

⁹E ora ei mi a wak, i ata, tabatin un man ekstendi na mi; i mira, den dje tabatin un rol.

¹⁰Anto El a habrie mi dilanti, i e tabata skirbi na tur dos banda. I riba dje tabatin skirbi lamentashon, kehamentu i yoramentu.