Read Papantla Totonac Ezekiel 21 Bible Online

Ezekiel 21 - Papantla Totonac bible

Ezekiel 21

¹E palabra di SENOR a yega na mi, bisando:

²"Yu di hende, bira bo kara den direkshon di Jerusalem, i predika kontra e santuarionan, i profetisa kontra tera di Israel,

³i bisa tera di Israel: 'Asina SENOR ta bisa: "Mira, Mi ta kontra bo; i lo Mi saka Mi spada for di su balina i korta kita for di bo tantu hustu komo malbado.

⁴Pasobra Mi ta bai korta kita for di bo tantu hustu komo malbado, pesei Mi spada lo sali for di su balina kontra tur karni for di suit te nort.

⁵Asina tur kami lo sa ku Ami, SENOR, a saka Mi spada for di su balina. E lo no bolbe mas den balina."'

⁶"I abo, yu di hende, keha ku kurason kibra i yen di amargura, keha nan dilanti.

⁷I lo sosode ku ora nan puntrabo: 'Pakiko bo ta keha?' lo bo kontesta: 'Pa motibu di e notisia ku ta bin. I tur kurason lo dirti, tur man lo bira debil, tur spiritu lo desmaya i tur rudia lo bira debil manera awa. Mira, esaki ta bin i lo sosode,' Senor DIOS ta deklara."

⁸Atrobe e palabra di SENOR a yega na mi, bisando:

⁹"Yu di hende, profetisa i bisa: 'Asina SENOR ta bisa: 'Un spada, un spada, mula skerpi i tambe lombra!

¹⁰Mula skerpi pa un matansa, lombra pa korta manera lamper!' "Nos lo ta kontentu anto? E bara di Mi yu homber ta despresia tur palu.

¹¹"I e ta duna pa wordu lombra, pa wordu uza; e spada a wordu mula i lombra pa entregu'e den man di e matado.

¹²Sklama i lamenta, yu di hende, pasobra e ta kontra Mi pueblo, e ta kontra tur ofisial di Israel. Nan ta entrega na spada huntu ku Mi pueblo; pesei, dal riba bo bel di pia.

¹³"Pasobra esaki ta un prueba. Kiko anto, si tambe e bara ku ta despresia lo no t'ei mas?" Senor DIOS ta deklara.

¹⁴"Abo anto, yu di hende, profetisa i bati man kontra otro. Laga e spada baha dos biaha, asta tres biaha mas pisa. Esei ta e spada pa matansa-- e spada pa gran matansa, ku ta bin riba nan for di tur banda,

¹⁵asina ku nan kurason lo dirti i hopi lo kai dilanti di tur nan portanan. Mi a duna e spada lombra. Ai! E ta traha pa korta manera lamper, e ta warda kla pa dia di matansa.

¹⁶Mustra ku bo ta skerpi; korta na banda drechi; korta na banda robes, na ki banda ku bo filo bira.

¹⁷Ami tambe lo bati man kontra otro, i lo Mi sasia Mi furia. Ami, SENOR, a papia."

¹⁸E palabra di SENOR a yega na mi, bisando:

¹⁹"I pa loke t'abo, yu di hende, marka dos kaminda pa spada di rei di Babilonia bin; nan tur dos lo sali for di e mesun tera. I traha un senal; trah'e na kuminsamentu di e kaminda ku ta bai pa e stat.

²⁰Marka un kaminda pa e spada yega na Raba di e amonitanan, i na Juda, den Jerusalem fortifika.

²¹Pasobra rei di Babilonia ta para na krusada di e kaminda, unda e dos kamindanan ta topa otro, pa praktika adivinashon. E ta sakudi e flechanan, e ta konsulta ku e ldolonan, e ta samina e higra.

²²Den su man drechi e adivinashon a mustra riba Jerusalem, pa prepara bara-pa-kibra-muraya, pa duna ordu pa mata, pa halsa bos ku gritu di guera, pa pone bara-pa-kibra-muraya kontra e portanan, pa lanta baluarte i pa traha un muraya-di-atake.

²³Den nan bista e lo ta pa nan manera un adivinashon falsu. Nan a hasi huramentunan solem. Ma e ta trese inikidat na memoria, pa nan wordu gara.

²⁴"Pesei, asina Senor DIOS ta bisa: 'Pasobra boso a trese boso inikidat na memoria, dor ku boso transgreshonnan a sali na kla, revelando boso pikanan den tur loke boso ta hasi--pasobra boso a bin na memoria, boso lo wordu gara ku man.

²⁵'I abo, hende malbado, prens di Israel, kende su dia a yega den tempu di e kastigu final,'

²⁶asina Senor DIOS ta bisa: 'Los tulban i kita korona; esaki lo no ta mas manera e tabata. Halsa esun umilde i umiya esun halsa.

²⁷Un ruina, un ruina, un ruina lo Mi hasie. Esaki tampoko lo no t'ei mas, te ora ku Esun bin ku tin derecho riba dje; i lo Mi dun'E esei.'

²⁸"I abo, yu di hende, profetisa i bisa: 'Asina Senor DIOS ta bisa tokante di e amonitanan i tokante di nan reproche,' i bisa: 'Un spada, un spada ta saka for di balina, lombra pa matansa, pa destrui, pa ta manera lamper--

²⁹mientras ku nan ta mira vishon bano pa bo, mientras ku nan ta adivina mentira pa bo, pa ponebo riba nek di e malbadonan ku a wordu mata, kende nan dia a yega den e tempu di kastigu final.

³⁰Hink'e bek den su balina. Na e luga unda bo a wordu krea, na e tera di bo origen lo Mi huzgabo.

³¹Lo Mi drama Mi indignashon riba bo; lo Mi supla riba bo ku e kandela di Mi furia, i lo Mi entregabo den man di hombernan brutu, ekspertonan den destrukshon.

³²Lo bo ta kombustibel pa kandela; bo sanger lo kore meimei di e tera. Hende lo no korda mas riba bo, pasobra Ami, SENOR, a papia!'"