Read Papantla Totonac Ezekiel 24 Bible Online

Ezekiel 24 - Papantla Totonac bible

Ezekiel 24

¹I e palabra di SENOR a yega na mi den e di nuebe ana, den e di dies luna, riba e di dies dia di e luna, bisando:

²"Yu di hende, skirbi fecha di e dia aki, hasie awe mes. Pasobra awe mes rei di Babilonia a rondona Jerusalem.

³I konta e kas rebelde aki un parabola, i bisa nan: 'Asina Senor DIOS ta bisa: "Pone e wea na kandela; pon'e i basha awa den dje;

⁴pone e pida-pidanan den dje, tur e pida-pidanan di mas miho, e pia i e skouder; yen'e ku e wesunan di mas miho.

⁵Skohe esnan di mas miho di e karnenan, i yena palu bou di e wea. Lagu'e herebe bon herebe. Herebe e wesunan tambe den dje."

⁶Pasobra asina Senor DIOS ta bisa: "Ai di e stat dramado di sanger, ai di e wea ku tin frustu den dje i ku su frustu no a kita for di dje! Saka e pida-pidanan afo, un pa un, sin tira lot riba nan.

⁷"Pasobra su sanger ta den dje mes; el a bash'e riba un baranka pelon; e no a bash'e riba suela kaminda stof por tap'e.

⁸Pa esei hasi furia lanta pa tuma vengansa, Mi a pone su sanger riba un baranka pelon, pa e no wordu tapa."

⁹Pesei, asina Senor DIOS ta bisa: "Ai di e stat dramado di sanger! Ami tambe lo hasi e monton grandi.

¹⁰Pone palu na monton, i pegu'e na kandela, herebe e karni bon, pone e spesereinan aserka, i laga e wesunan kima.

¹¹Despues pone e wea bashi riba e karbon, te ora ku e bira kayente i su brons keda lombra, te ora ku e keda limpi di su impuresa i tur su frustu kima.

¹²Ta pornada Mi a kansa Mi kurpa, su lag diki di frustu no a kita for di dje; laga su frustu keda den e kandela!

¹³"Den bo impuresa tin luhuria. Pasobra Mi a limpiabo, i tog bo no ta limpi, lo bo no wordu limpia di bo impuresa mas, te ora Mi kaba di drama Mi furia riba bo.

¹⁴"Ami, SENOR, a papia. E ta bin i lo Mi hasie. Lo Mi no hal'atras. Lo Mi no tene duele, ni lo Mi no repenti tampoko. Di akuerdo ku bo kondukta i di akuerdo ku bo echonan lo Mi huzgabo," Senor DIOS ta deklara.'"

¹⁵I e palabra di SENOR a yega na mi, bisando:

¹⁶"Yu di hende, mira, Mi ta bai kita for di bo e deseo di bo wowo, ku un solo sla. Sinembargo, lo bo no lamenta, ni yora, ni bo wowo lo no yena ku awa.

¹⁷Keha na silensio; no tene rou pa e morto. Mara bo tulban i bisti bo sapatu na bo pia, no tapa bo mustashi ni kome pan di hende na rou."

¹⁸Awor mainta mi a papia ku e hendenan, i anochi mi esposa a muri. Su manise mi a hasi manera mi a wordu ordena.

¹⁹E ora ei e hendenan a puntrami: "Bo no kier konta nos kiko e kosnan aki ku bo ta hasi ta nifika pa nos?"

²⁰Asina mi a kontesta nan: "E palabra di SENOR a yega na mi, bisando:

²¹'Bisa e kas di Israel: "Asina Senor DIOS ta bisa: 'Mira, Mi ta bai profana Mi santuario, e orguyo di boso poder, e deseo di boso wowo i e delisia di boso alma. I boso yu hombernan i yu muhenan ku boso a lag'atras lo kai pa medio di spada.

²²I boso lo hasi manera ami a hasi; boso lo no tapa boso mustashi, ni kome pan di hende na rou.

²³Boso tulban lo keda riba boso kabes i boso sapatu na boso pia. Boso lo no tene rou ni yora, ma boso lo para kaba pa motibu di boso inikidat, i boso lo keha ku otro.

²⁴Asina Ezekiel lo ta un senal pa boso. Di akuerdo ku tur loke el a hasi, boso lo hasi. Ora esaki sosode, boso lo sa ku Ami ta Senor DIOS.'"

²⁵'I abo, yu di hende, lo no t'asina ku riba e dia ku Mi kita nan fortalesa, e goso di nan gloria, e delisia di nan wowo i e anhelo di nan kurason, nan yu hombernan i nan yu muhenan,

²⁶ku esun ku skapa riba e dia ei lo bin trese e notisia pa bo tende?

²⁷Riba e dia ei bo boka lo wordu habri pa esun ku a skapa; lo bo papia i lo bo no ta mudo mas. Asina lo bo ta un senal pa nan, i nan lo sa ku Ami ta SENOR.'"