Read Papantla Totonac Ezekiel 31 Bible Online

Ezekiel 31 - Papantla Totonac bible

Ezekiel 31

¹I a sosode ku den e di diesun ana, den e di tres luna, riba e prome dia di e luna, e palabra di SENOR a yega na mi, bisando:

²"Yu di hende, bisa Farao, rei di Egipto, i su multitut: 'Ku ken bo por wordu kompara den bo grandesa?

³Mira, Asiria tabata un palu di seda na Libano, ku rama bunita, ku ramada di blachi, i masha haltu; i su top tabata pasa e nubianan.

⁴E awanan tabata hasie krese, i e fuentenan profundo di awa tabata hasie krese bira haltu. Nan riunan tabata pasa kontinuamente tur ront di e luga kaminda e tabata planta, i tabata manda nan kanalnan pa tur e palunan di mondi.

⁵Pesei el a krese bira mas haltu ku tur e otro palunan di mondi. Pa motibu di e abundansia di awa su takinan tabata oumenta i su ramanan tabata krese bira largu, segun ku e tabata spreit saka nan.

⁶Tur parha di shelu tabata traha neishi den su takinan; tur bestia di mondi tabata werp bou di su ramanan, i tur nashon grandi tabata biba bou di su sombra.

⁷Asina e tabata bunita den su grandesa, den e largura di su ramanan, pasobra su raisnan tabata yega te na un abundansia di awa.

⁸E palunan di seda den e hofi di Dios no por a igual'e; e palunan di sipres no tabata di kompara ku su takinan, i e palunan di kastana no por a iguala su ramanan; ningun palu den e hofi di Dios no tabata di kompara kune den su bunitesa.

⁹Mi a trah'e bunita ku e multitut di su ramanan, i tur e palunan di Eden, ku tabata den e hofi di Dios, tabata yalurs riba dje.

¹⁰'Pesei, asina Senor DIOS ta bisa: "Pasobra e ta asina haltu i el a manda su top te meimei di e nubianan, i su kurason ta halsa pa motibu di su haltura,

¹¹pesei lo Mi entregu'e den man di un poderoso di e nashonnan. Sigur-sigur e lo trata kune. Di akuerdo ku su maldat lo Mi kore kune.

¹²I stranheronan, e kruelnan di e nashonnan, a kap e bash'abou i a bai lagu'e. Su ramanan a kai riba e serunan i den tur e vayenan; su takinan a wordu kibra benta den tur e riunan di e tera. I tur e pueblonan di tera a sali for di su sombra i a bai lagu'e.

¹³Tur parha di shelu lo biba riba su ruina. I tur bestia di mondi lo keda riba su ramanan ku a kai,

¹⁴pa tur e palunan kantu di awa no halsa nan mes pa motibu di nan haltura, ni manda nan top te meimei di e nubianan, pa ningun palu ku hana bon awa no konfia den su haltura. Pasobra nan tur a wordu entrega na morto, na e profundidat di tera, entre e yunan di hende, huntu ku esnan ku ta baha den pos."

¹⁵'Asina Senor DIOS ta bisa: "Riba e dia ku el a baha den Seol, Mi a kousa lamentashon. Pa su motibu Mi a tapa e awanan di profundidat i a detene su riunan. I e abundansia di awa a wordu deteni, i Mi a hasi Libano lamenta p'e; i tur palu di mondi a marchita pa su motibu.

¹⁶Mi a hasi e nashonnan tembla na e zonidu di su kaida, dia ku Mi a hasie baha den Seol huntu ku esnan ku ta baha den pos. I tur e palunan di Eden ku a hana bon awa, esnan skohi i mas miho di Libano, a keda konsola den e profundidat di tera.

¹⁷Nan tambe a baha huntu kune den Seol, serka esnan ku a wordu mata ku spada; i esnan ku tabata su fortalesa tabata biba bou di su sombra, meimei di e nashonnan.

¹⁸"Ku kual di e palunan di Eden bo por iguala bo mes den gloria i den grandesa? Tog lo bo wordu basha abou huntu ku e palunan di Eden, den e profundidat di tera. Lo bo drumi meimei di esnan insirkumsida, huntu ku esnan mata ku spada. "Asina Farao i henter su multitut ta!"' Senor DIOS ta deklara."