Read Papantla Totonac Ezekiel 48 Bible Online

Ezekiel 48 - Papantla Totonac bible

Ezekiel 48

¹"Awor esakinan ta e nombernan di e tribunan: for di ekstremo di nort, banda di e kaminda di Hetlon te na Lebo-hamat, te na Hazar-enan na e frontera di Damasko, den direkshon panort banda di Hamat, koriendo for di pariba te pabou, Dan, un parti.

²"Banda di e frontera di Dan, for di e banda pariba te na e banda pabou, Aser, un parti.

³"Banda di e frontera di Aser, for di e banda pariba te na e banda pabou, Neftali, un parti.

⁴"Banda di e frontera di Neftali, for di e banda pariba te na e banda pabou, Manases, un parti.

⁵"Banda di e frontera di Manases, for di e banda pariba te na e banda pabou, Efrain, un parti.

⁶"Banda di e frontera di Efrain, for di e banda pariba te na e banda pabou, Ruben, un parti.

⁷"Banda di e frontera di Ruben, for di e banda pariba te na e banda pabou, Juda, un parti.

⁸"Banda di e frontera di Juda, for di e banda pariba te na e banda pabou, e kontribushon ku lo bo reserva mester ta: 25.000 kodo hanchu, i den largura manera un di e partinan, di parti pariba te na parti pabou; i e santuario lo keda meimei di dje.

⁹"E kontribushon ku bo mester reserva pa SENOR lo ta 25.000 kodo largu i 10.000 kodo hanchu.

¹⁰I e kontribushon santu lo ta pa esakinan, pa e saserdotenan, den direkshon panort 25.000 kodo largu, den direkshon pabou 10.000 kodo hanchu, den direkshon pariba 10.000 hanchu i den direkshon pasuit 25.000 kodo largu; i e santuario di SENOR lo keda meimei di dje.

¹¹Esei lo ta pa e saserdotenan ku a wordu santifika for di e yu hombernan di Sadok, kendenan a kumpli ku Mi enkargo, i no a desvia ora ku e yunan di Israel a desvia, manera e levitanan a desvia.

¹²I esaki lo ta un kontribushon pa nan for di e kontribushon di e tera, un luga santisimo, banda di e frontera di e levitanan.

¹³"Banda di e frontera di e saserdotenan, e levitanan lo tin un porshon di 25.000 kodo largu i 10.000 kodo hanchu. Henter su largura lo ta 25.000 kodo i e hanchura 10.000 kodo.

¹⁴Ademas, nan lo no tin mag di bende ni kambia nada di dje pa otro kos, ni pasa e miho parti aki pa otronan; pasobra esaki ta santu pa SENOR.

¹⁵"Anto e 5.000 kodo hanchu i 25.000 kodo largu ku ta keda lo ta pa uzo komun di e stat, pa luga di biba i pa luga di yerba berde; i e stat lo keda meimei di dje.

¹⁶Esakinan lo ta su midinan: e banda panort 4.500 kodo, e banda pasuit 4.500 kodo, e banda pariba 4.500 kodo i e banda pabou 4.500 kodo.

¹⁷I e stat lo tin luganan di yerba berde: parti panort 250 kodo, parti pasuit 250 kodo, parti pariba 250 kodo i parti pabou 250 kodo.

¹⁸I loke ta keda di e largura banda di e porshon santu lo ta 10.000 kodo den direkshon pariba, i 10.000 kodo den direkshon pabou; i e lo ta presis meskos ku e porshon santu. I e kosecha lo ta pa kuminda pa esnan ku ta traha den e stat.

¹⁹I esnan ku ta traha den e stat for di tur e tribunan di Israel lo kultiva esaki.

²⁰Henter e kontribushon lo ta 25.000 pa 25.000 kodo; boso lo reserva e kontribushon santu, un firkant, huntu ku e propiedat di e stat.

²¹I loke keda lo ta pa e prens: na esun banda i na e otro banda di e kontribushon santu i di e propiedat di e stat; dilanti di e 25.000 kodo di e kontribushon den direkshon di e frontera di pariba i bai pabou dilanti di e 25.000 den direkshon di e frontera di pabou, banda di e porshonnan, lo ta pa e prens. I e kontribushon santu i e santuario di e kas lo keda meimei di dje.

²²Sin konta aden e propiedat di e levitanan i e propiedat di e stat, ku ta keda meimei di loke ta pertenese na e prens, tur loke ta entre e frontera di Juda i e frontera di Benjamin lo ta pa e prens.

²³"Pa loke ta e restu di e tribunan, for di banda pariba te banda pabou: Benjamin, un parti.

²⁴"I banda di e frontera di Benjamin, for di banda pariba te banda pabou: Simeon, un parti.

²⁵"Banda di e frontera di Simeon, for di banda pariba te banda pabou: Isakar, un parti.

²⁶"Banda di e frontera di Isakar, for di banda pariba te banda pabou: Zabulon, un parti.

²⁷"Banda di e frontera di Zabulon, for di banda pariba te banda pabou: Gad, un parti.

²⁸"I banda di e frontera di Gad, na e banda pasuit den direkshon pasuit, e frontera lo ta for di Tamar te na e awanan di Meriba-kades, te na e roi di Egipto, te na Laman Grandi.

²⁹"Esaki ta e tera ku boso mester parti komo erensia pa e tribunan di Israel dor di tira lot, i esakinan ta nan diferente partinan," Senor DIOS ta deklara.

³⁰"I esakinan ta e salidanan di e stat: kuminsando na e banda panort, ku ta 4.500 kodo segun midi,

³¹e portanan di e stat lo karga nomber di e tribunan di Israel. E tres portanan den direkshon panort lo ta: e porta di Ruben, un; e porta di Juda, un; i e porta di Levi, un.

³²"I na e banda pariba, ku ta 4.500 kodo segun midi, lo tin tres porta: e porta di Jose, un; e porta di Benjamin, un; i e porta di Dan, un.

³³"Na e banda pasuit, ku ta 4.500 kodo segun midi, lo tin tres porta: e porta di Simeon, un; e porta di Isakar, un; i e porta di Zabulon, un.

³⁴"Na e banda pabou, ku ta 4.500 kodo segun midi, lo tin tres porta: e porta di Gad, un; e porta di Aser, un; i e porta di Neftali, un.

³⁵"E stat lo ta 18.000 kodo tur ront. "I nomber di e stat for di e dia ei lo ta: 'SENOR TA EINAN.'"