Read Papantla Totonac Ezekiel 8 Bible Online

Ezekiel 8 - Papantla Totonac bible

Ezekiel 8

¹I a sosode den e di seis ana, riba e di sinku dia di e di seis luna, mientras mi tabata sinta den mi kas i e ansianonan di Juda sinta mi dilanti, ku ayanan e man di Senor DIOS a kai riba mi.

²E ora ei mi a wak, i ata un figura ku e aparensia di hende; for di Su hep bai abou e aparensia di kandela, i for di Su hep bai ariba e aparensia di splendor, manera e aparensia di metal ku ta lombra.

³El a saka loke tabatin forma di un man i a kohemi tene na e kabei di mi kabes. I e Spiritu a hisami entre tera i shelu, i den vishonnan di Dios El a hibami Jerusalem, na entrada di e porta panort di e plenchi paden, kaminda e asiento di e ldolo di yalursheit ku ta proboka na yalursheit tabata.

⁴I mira, e gloria di e Dios di Israel tabata ayanan, manera e vishon ku mi a mira den sabana.

⁵E ora ei El a bisami: "Yu di hende, hisa bo kara awor i wak den direkshon di nort." Asina mi a hisa mi kara wak den direkshon di nort, i mira, panort di e porta di altar, e ldolo di yalursheit aki tabata para na e entrada.

⁶I El a bisami: "Yu di hende, bo ta mira kiko nan ta hasi--e abominashonnan grandi ku e kas di Israel ta komete akinan--pa Mi keda leu for di Mi santuario? Ma tog lo bo mira abominashonnan mas grandi ainda."

⁷E ora ei El a hibami na entrada di e plenchi, i ora mi a wak, mira, un buraku den e muraya.

⁸I El a bisami: "Yu di hende, awor koba den e muraya." I mi a koba den e muraya, i mira, tabatin un entrada einan.

⁹I El a bisami: "Bai paden i mira e abominashonnan grandi ku nan ta komete akinan."

¹⁰Anto mi a bai paden i a wak, i mira, tabatin tur sorto di bestia ku ta lastra i tur sorto di bestia i di kosnan repugnante, i tur e ldolonan di e kas di Israel tabata graba riba e muraya tur ront.

¹¹I tabatin setenta ansiano di e kas di Israel para nan dilanti, i Jaazanias, yu homber di Safan, para meimei di nan. Kada un di nan tabatin su wea-pa-sensia den su man, i e holo dushi di un nubia di sensia tabata subi bai ariba.

¹²E ora ei El a bisami: "Yu di hende, bo ta mira kiko e ansianonan di e kas di Israel ta hasi den skuridat, kada homber den su kuartu di imagennan graba? Pasobra nan ta bisa: 'SENOR no ta mira nos; SENOR a bandona e tera.'"

¹³I El a bisami: "Tog lo bo mira abominashonnan mas grandi ainda ku nan ta hasi."

¹⁴Despues El a hibami na entrada di e porta panort di e kas di SENOR, i mira, tabatin muhenan sinta ayanan ta yora Tamuz.

¹⁵I El a bisami: "Bo ta mira esaki, yu di hende? Tog lo bo mira abominashonnan mas grandi ainda ku esakinan."

¹⁶E ora ei El a hibami na e plenchi paden di e kas di SENOR. I mira, na entrada di e tempel di SENOR, entre e veranda i e altar, tabatin mas o menos bint'i sinku homber ku nan lomba pa tempel di SENOR i ku nan kara den direkshon pariba. I nan tabata buig te na suela, kara pariba, den direkshon di solo.

¹⁷El a bisami: "Bo ta mira esaki, yu di hende? Akaso no ta sufisiente ku e kas di Juda a komete e abominashonnan ku nan ta hasi aki, ku nan ta yena e tera ku violensia tambe, i kada bes atrobe nan a probokaMi na rabia? Pasobra, mira, nan ta pone e rama na nan nanishi.

¹⁸Pesei lo Mi trata ku nan den furia. Lo Mi no wak nan ku duele, ni spar nan tampoko; i maske nan grita na bos haltu den Mi orea, tog lo Mi no skucha nan."