Read Papantla Totonac Oseas 11 Bible Online

Oseas 11 - Papantla Totonac bible

Oseas 11

¹"Tempu ku Israel tabata mucha, Mi tabata stim'e, i for di Egipto Mi a yama Mi yu homber.

²Mas nan a yama nan, mas leu nan a bai for di nan; nan a sigui ofrese sakrifisio na e Baalnan i kima sensia na ldolonan.

³Tog ta Ami ta Esun ku a sina Efrain kana, Mi a kohe nan den Mi brasa; ma nan no tabata sa ku Mi a kura nan.

⁴Mi a guia nan ku kordonnan di hende, ku lasonan di amor, i Mi a bira pa nan manera un hende ku ta kita e yugo for di nan kachete; i Mi a buk abou i a kria nan.

⁵"Nan lo no bolbe na tera di Egipto; ma Asiria--e lo ta nan rei, pasobra nan a nenga di bolbe serka Mi.

⁶I e spada lo zwai kontra nan statnan, i lo destrui nan baranan di porta i kaba ku nan pa motibu di nan konsehonan.

⁷Asina Mi pueblo ta determina pa bira for di Mi. Maske nan yama nan pa bin serka e Haltisimo, ningun di nan apsolutamente no ta hals'E.

⁸"Kon Mi por bandonabo, O Efrain? Kon Mi por entregabo, O Israel? Kon Mi por hasibo manera Adma? Kon Mi por tratabo manera Zeboim? Mi kurason ta bolter den Mi; tur mi kompashonnan ta lanta.

⁹Lo Mi no ehekuta Mi rabia ardiente; lo Mi no destrui Efrain mas. Pasobra Ami ta Dios i no hende, Esun Santu meimei di boso, i lo Mi no bin den furia.

¹⁰Nan lo kana tras di SENOR; E lo gruna manera leon; di berdat E lo gruna, i Su yu hombernan lo bin na temblamentu for di pabou.

¹¹Nan lo bin ta tembla, manera parha for di Egipto, i manera palomba for di tera di Asiria; i lo Mi stablese nan den nan kasnan," SENOR ta deklara.

¹²Efrain ta rondonaMi ku mentira, i e kas di Israel ku engano; Juda tambe ta rebelde kontra Dios, asta kontra Esun Santu, Kende ta fiel.