Read Papantla Totonac Oseas 12 Bible Online

Oseas 12 - Papantla Totonac bible

Oseas 12

¹Efrain ta biba di bientu, i ta persigui bientu di pariba kontinuamente; e ta multiplika mentira i violensia. Ademas, e ta sera un aliansa ku Asiria, i zeta ta wordu hiba na Egipto.

²Tambe SENOR tin un pleitu ku Juda, i lo kastiga Jakob konforme su kondukta; E lo pagu'e konforme su echonan.

³Den matris el a kohe su ruman homber tene na su hilchi, i den su madures el a pleita ku Dios.

⁴Si, el a lucha ku e Angel i a prevalese; el a yora i a roga pa Su grasia. El a han'E na Bet-el, i ayanan El a papia ku nos,

⁵esta, SENOR, e Dios di ehersitonan; SENOR ta Su nomber.

⁶Pesei, bolbe serka bo Dios, tene miserikordia i hasi hustisia, i spera kontinuamente riba bo Dios.

⁷Un negoshante, ku balansa enganoso den su man, ta gusta oprimi.

⁸I Efrain a bisa: "Siguramente mi a bira riku, mi a hana rikesa pa mi mes; den tur mi trabounan nan lo no hana den mi ningun inikidat ni pika."

⁹"Ma Mi tabata SENOR bo Dios for di tera di Egipto; lo Mi hasibo biba den tent atrobe, manera den e dianan di e fiesta stipula.

¹⁰Tambe Mi a papia ku e profetanan, i Mi a duna hopi vishon; i pa medio di e profetanan Mi a duna parabolanan."

¹¹Tin inikidat na Galaad? Siguramente nan ta perverso. Na Gilgal nan ta sakrifika bishe machu, si, nan altarnan ta manera montonnan di piedra banda di e hoyonan di e kunuku geplug.

¹²Awor Jakob a hui bai na tera di Aram, i Israel a traha pa e hana un esposa, i pa e hana un esposa el a kuida karne.

¹³Ma pa medio di un profeta SENOR a saka Israel for di Egipto, i pa medio di un profeta e tabata warda.

¹⁴Efrain a proboka na rabia amargo; pesei su SENOR lo laga su kulpa di sanger keda riba dje, i trese su reproche bek riba dje.