Read Papantla Totonac Oseas 13 Bible Online

Oseas 13 - Papantla Totonac bible

Oseas 13

¹Ora ku Efrain a papia, tabatin temblamentu. El a halsa su mes den Israel, ma pa motibu di Baal el a peka i a muri.

²I awor nan ta peka mas i mas, i ta traha pa nan mes imagennan basha, ldolonan bon traha di nan plata; nan tur, obra di hombernan di ofishi. Nan ta bisa di nan: "Laga e hombernan ku ta ofrese sakrifisio sunchi e bishenan!"

³Pesei nan lo ta manera nubia di mainta, i manera serena ku ta disparse mes ora, manera bagas ku bientu ta supla bai kune for di plenchi-di-bati-mainshi, i manera huma for di un chimenea.

⁴"Tog Mi tabata SENOR bo Dios for di tera di Egipto; i bo no tabatin mag di konose ningun otro dios sino Ami so, pasobra no tin salbador fuera di Mi.

⁵Mi a perkura pa bo den desierto, den e tera di sekura.

⁶Ora nan a hana nan luga di yerba berde, nan a keda satisfecho, i siendo satisfecho, nan kurason a bira orguyoso; pesei nan a lubidaMi.

⁷Asina lo Mi ta manera un leon pa nan; manera un leopardo lo Mi drumi warda kantu di kaminda.

⁸Lo Mi ataka nan manera un ber roba di su yunan, i lo Mi sker nan pechu habri; einan lo Mi devora nan tambe manera un leon muhe, manera bestia di mondi lo a habraka nan.

⁹"Ta bo destrukshon, O Israel, ku bo ta kontra Mi, kontra bo yudado.

¹⁰Unda bo rei ta awor, pa e salbabo den tur bo statnan, i bo huesnan, na kendenan bo a pidi: 'Dunami un rei i prensnan'?

¹¹Mi a dunabo un rei den Mi rabia, i a kit'e den Mi furia.

¹²E inikidat di Efrain ta mara; su pika ta warda.

¹³Dolonan di parto ta bin riba dje; e no ta un yu homber sabi, pasobra e no mester tarda ora matris habri.

¹⁴"Lo Mi reskata nan for di e poder di Seol; lo Mi redimi nan for di morto. O Morto, unda bo sumpinanan ta? O Seol, unda bo pui ta? "Kompashon lo ta skondi for di Mi bista.

¹⁵Maske e florese meimei di su rumannan, un bientu di pariba lo bin, e bientu di SENOR ku ta bin for di desierto; i su fuente lo bira seku, i su fontein lo seka; e lo plunder su tesoro kita tur artikulo di balor for di dje.

¹⁶Samaria lo keda kulpabel, pasobra el a rebeldia kontra su Dios. Nan lo kai pa medio di spada, nan chikitunan lo wordu gespat na pida-pida, i nan muhenan na estado lo wordu habri for di otro."