Read Papantla Totonac Oseas 14 Bible Online

Oseas 14 - Papantla Totonac bible

Oseas 14

¹Bolbe, O Israel, serka SENOR bo Dios, pasobra bo a trompeka pa motibu di bo inikidat.

²Hiba palabra ku boso, i bolbe serka SENOR. Bis'E: "Kita tur inikidat, i risibi nos ku grasia, pa nos presenta e fruta di nos lepnan.

³Asiria lo no salba nos, nos lo no kore riba kabai; ni nos lo no bolbe bisa na e obra di nos mannan: 'Nos Dios'; pasobra serka Bo e werfano ta hana miserikordia."

⁴"Lo Mi kura nan apostasia, lo Mi stima nan abundantemente, pasobra Mi rabia a kita for di riba nan.

⁵Lo Mi ta manera serena pa Israel; e lo florese manera leli, i e lo saka su rais manera e palunan di seda di Libano.

⁶Su takinan lo spreit, i su bunitesa lo ta manera e palu di oleifi, i su holo dushi manera e palunan di seda di Libano.

⁷Esnan ku ta biba den su sombra lo bolbe planta mainshi, i nan lo florese manera e mata di wendruif. Su fama lo ta manera e bina di Libano.

⁸O Efrain, kiko mas Mi tin di hasi ku idolonan? Ta Ami ta Esun ku ta kontesta i ta kuidabo. Mi ta manera un palu berde di sipres; ta for di Mi bo fruta ta bin."

⁹Esun ku ta sabi, lagu'e komprende e kosnan aki; esun ku tin disernimentu, lagu'e konose nan. Pasobra e kamindanan di SENOR ta rekto, i e hustu lo kana den nan, ma transgresornan lo trompeka den nan.