Read Papantla Totonac Oseas 5 Bible Online

Oseas 5 - Papantla Totonac bible

Oseas 5

¹Tende esaki, O saserdotenan! Paga tino, O kas di Israel! Skucha, O kas di rei! Pasobra e huisio ta toka boso, pasobra boso tabata un trampa na Mizpa, i un reda habri riba Tabor.

²I e rebeldenan a hundi nan mes den korupshon, ma lo Mi kastiga nan tur.

³Mi konose Efrain, i Israel no ta skondi pa Mi; pasobra awor, O Efrain, bo a komete prostitushon; Israel a profana su mes.

⁴Nan echonan lo no permit! nan bolbe na nan Dios. Pasobra un spiritu di prostitushon ta biba den nan, i nan no konose SENOR.

⁵Ademas, e orguyo di Israel ta testifika kontra dje, i Israel ku Efrain ta trompeka den nan inikidat; Juda tambe a trompeka huntu ku nan.

⁶Nan lo bai ku nan karnenan i bakanan pa buska SENOR, ma nan lo no han'E; El a aparta Su mes for di nan.

⁷Nan a trata SENOR ku traishon, pasobra nan a engendra yunan ilegitimo. Awor fiesta di luna nobo lo devora nan huntu ku nan tera.

⁸Supla kachu na Gabaa i trompet na Rama. Zona alarma na Bet-aven: "Tras di bo, Benjamin!"

⁹Efrain lo bira un desolashon den e dia di huisio; entre e tribunan di Israel Mi ta deklara loke ta sigur.

¹⁰E prensnan di Juda a bira manera esnan ku ta hala un frontera; riba nan lo Mi basha Mi furia manera awa.

¹¹Efrain ta oprimi, kibra na pida-pida den huisio, pasobra e tabata desidido di sigui ordu di hende.

¹²Pesei Mi ta manera un mot pa Efrain, i manera kos putri pa e kas di Juda.

¹³Ora Efrain a mira su malesa, i Juda su herida, e ora ei Efrain a bai Asiria i a manda pidi yudansa serka rei Jareb. Ma e no por sanabo ni kurabo di bo herida.

¹⁴Pasobra lo Mi ta manera un leon pa Efrain, i manera un leon chikitu pa e kas di Juda. Ami, Ami mes lo sker nan na pida-pida i bai; lo Mi kohe nan bai kune, i lo no tin ningun hende pa libra.

¹⁵Lo Mi bai i bolbe na Mi luga te ora nan rekonose nan kulpa i buska Mi kara; den nan aflikshon nan lo buskaMi ku sinseridat.