Read Papantla Totonac Oseas 6 Bible Online

Oseas 6 - Papantla Totonac bible

Oseas 6

¹"Ban, laga nos bolbe na SENOR. Pasobra El a sker nos, ma E lo kura nos; El a herida nos, ma E lo mara nos ku verbant.

²E lo rebiba nos despues di dos dia; E lo lanta nos riba e di tres dia, pa nos por biba Su dilanti.

³Asina, laga nos konose, laga nos persevera pa konose SENOR. Mes sigur ku dia ta habri, E lo parese; i E lo bin serka nos manera awaseru, manera e awaseru di primavera ku ta muha tera."

⁴"Kiko lo Mi hasi ku bo, O Efrain? Kiko lo Mi hasi ku bo, O Juda? Pasobra bo lealtat ta manera un nubia di mainta, i manera serena ku ta disparse tempran.

⁵Pesei Mi a kap nan na pida-pida pa medio di e profetanan; Mi a mata nan pa medio di e palabranan di Mi boka, i e huisionan riba boso ta manera lus ku ta sali.

⁶Pasobra Mi tin delisia den lealtat mas ku den sakrifisio, i den e konosementu di Dios, mas ku den ofrendanan kima.

⁷Ma manera Adam nan a transgresa e aliansa; ayanan nan a trata ku traishon kontra Mi.

⁸Galaad ta un stat di hasidonan di maldat, mancha ku lastronan di sanger.

⁹I manera bandidonan ta skonde warda un hende, asina un grupo di saserdote ta mata riba e kaminda pa Sikem; siguramente nan a komete krimen.

¹⁰Den e kas di Israel Mi a mira un kos horibel: Efrain su prostitushon ta ayanan; Israel a profana su mes.

¹¹"Tambe, O Juda, tin un kosecha prepara pa bo, ora Mi trese esnan di Mi pueblo ku ta den koutiverio, bek.