Read Papantla Totonac Oseas 8 Bible Online

Oseas 8 - Papantla Totonac bible

Oseas 8

¹"Pone e trompet na bo lep! Manera un aguila e enemigu ta bin kontra e kas di SENOR, pasobra nan a transgresa Mi aliansa, i a rebeldia kontra Mi lei.

²Nan ta sklama na Mi: 'Mi Dios, nos di Israel konoseBo!'

³Israel a rechasa e bon; e enemigu lo persiguie.

⁴Nan a stablese reinan, ma no pa medio di Mi; nan a nombra prensnan, ma Mi no tabata sa esei. Ku nan plata i oro nan a traha ldolo pa nan mes, pa nan mes destrukshon.

⁵El a rechasa bo bishe, O Samaria, bisando: Mi rabia ta kima kontra nan! Te ki tempu lo ta imposibel pa tin un kurason puru meimei di nan?

⁶Pasobra esaki tambe ta bin for di Israel! Un homber di ofishi a trah'e, pesei e no ta Dios; siguramente e bishe di Samaria lo wordu kibra na pida-pida.

⁷"Pasobra nan ta sembra bientu, i nan ta kosecha warwaru. E mainshi den kunuku no tin tapushi; e no ta produsi mainshi. Si e produsi mes, stranheronan lo tragu'e.

⁸Israel a wordu traga; awor nan ta meimei di e nashonnan, manera un pochi den kual ningun hende no tin plaser.

⁹Pasobra nan a bai Asiria, manera un buriku di mondi ku ta dwal ront su so; Efrain a kontrata amantenan.

¹⁰Maske nan ta kontrata aliadonan meimei di e nashonnan, Ami lo reuni nan awor; i nan lo kuminsa mengua pa motibu di e karga di e rei di prensnan.

¹¹"Komo ku Efrain a traha hopi altar pa pika, nan a bira p'e altarnan pa peka.

¹²Maske Mi a skirbi p'e dies mil presepto di Mi lei, nan ta wordu konsidera komo un kos strano.

¹³Pa loke ta Mi ofrendanan di sakrifisio, nan ta sakrifika e karni i ta kom'e, ma SENOR no tin delisia den nan. Awor E lo korda nan inikidat, i kastiga nan pa nan pikanan; nan lo bolbe Egipto.

¹⁴Pasobra Israel a lubida Esun ku a trah'e, i a traha palasionan; i Juda a multiplika statnan fortifika, ma Ami lo manda un kandela riba su statnan, pa esaki kaba ku su palasionan."